Taian Areru 51:12 - Te B'aib'ara

¹² Manga kaoka nako iu te kim'areirei are reke man am Kamaiu, Ao karaoa ae N na kan ongeaba iai nakoim!

Taian Areru 51:12 ပူးပေါင်းရင်းမြစ်များ

Taian Areru 119:133

Kawakinai b'a N na aki b'aka, n ai aron am Taeka; Ao tai katokanikaia te buakaka i aou.

Taian Areru 13:5

I onimakina am Tangira, ao I rangi ni kimarimari iai b'a ko bon otanganai.

Taian Areru 17:5

I a tia n taai nako n iririko n toua kawaim ao I tuai man tibanako mai iai.

Taian Areru 19:13

Kawakinai naba mani karaoani baika I atai b'a a bure; Tai kariaia b'a a na tautaeka i aou. Ao N na riki ni moan te raoiroi Ao N na kamaiuaki mani buakakan te bure.

Taian Areru 21:1

Te UEA, e kukurei te king i bukina ngke Ko anganna te korakora ao e kakatonga b'a e tokanikai i aoia aiana.

Taian Areru 24:4

Bon ane karaoa ae e raoiroi ao e itiaki nanona; ane aki taromauri bouannanti, ke n taetae n tuea n te aro ni kewe

Taian Areru 35:9

Ao N na kakatonga i bukin te bae E a tia ni karaoia te UEA; N na kim'areirei b'a E a tia ni kamaiuai.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Ieremia 10:23

I ataia te UEA b'a ti aki tauu aron maiura ngaira aika aomata.

Ruka 1:47

Ao e kim'areirei nanou iroun te Atua are au Tia Kamaiu.

I-Rom 14:4

Antai ngkoe b'a ko na bairea taekan ana toro temanna ni kabuakaka? Bon ana toka ae na bairea taekana b'a e nako raoi ana m'akuri ke e aki. Ma ane e na nako raoi ana m'akuri te toro, b'a E kona te Atua ni buokia b'a e aonga n nako raoi ana m'akuri.

I-Rom 8:15

B'a te Tamnei are kam anganaki E aki karikingkami b'a tooro, ao E aki karika te maku i nanomi; ma kam anganaki te Tamnei ae e natinaki te aba i rouna, ao ae ti a kona i rouna ni kaangai iai: “Aaba Tamara!”

2.I-Korinto 3:17

Ao te UEA bon te Tamnei; ao ike E mena iai Tamnein te UEA, ao e mena iai te aro n inaomata.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

Iuta 1:24

Ao ana b'ai Teuare kona ni kawakiningkami b'a kam na aki b'aka, are kona naba ni kaakingkami i matana ni mimitongina b'a aomata aika itiaki ma ni kim'areirei,