Taian Areru 50:3 - Te B'aib'ara

³ E nangi roko Atuara, ao E na aki kainab'aabu; E ri moana te ai ae ura m'aaka, Ao E otab'aniniaki rarikina n te ang ae matoatoa karena.

Taian Areru 50:3 ပူးပေါင်းရင်းမြစ်များ

Taian Areru 48:14

Aio aron Atuara n aki toki; E na kairirira n taai nako.

Taian Areru 50:21

Ko a tia ni karaoi baikai, ao akea au taeka iai; Ko taku n am iango b'a ti te bo arou ma arom. Ma N na boaiko, ao N na kaotia raoi i matam bukinam irou.

Taian Areru 68:20

Atuara bon te Atua ae maiu te aba i rouna; te UEA Ngaia ae te Uea, ae kamaiura man te kabuanib'ai ae ti na mate iai.

Taian Areru 83:1

Te Atua, Ko na tai kainab'aabu, ao Ko aoriko n akea te b'ai ae Ko karaoia!

Taian Areru 96:13

Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.

Te Otinako 19:18

Ao e rabunaki ni kabane te maunga are Tinai n te bubu, i bukina b'a E a ruo te Atua i aona n rab'atanna n te ai. Ao e aetorake te bubu arei kaanga bubun te ai ni kanaiai, ao a rangi n ruru ni maaku aomata ni kabane.

Itaia 35:4

“Kakukureingkami! Kam na aki maaku. E a roko te Atua b'a e na katuaaia ami kairiribai. Ane e na irantaangaia te Atua ao e na kamaiungkami.”

Etekiera 1:4

I tararake ao I noora buakani karawa ae e roko mai meaang. E nako te iti man te nang ae e korakora ao e kaotaa karawa ni kabane n te raitiiti ae raneanea. Nukan te nang arei e ura ma n oota nako kaanga te biti ae e waanetiaki,

Taniera 7:10

ao e raanga nako te ai mai iai. Ao iai ngaa n aomata aika a m'akuri i bukina, ao mirion aika a tei i matana. Ao e moanaki te kabowi ni motikitaeka, ao a kaukaki taiani boki.

Nakoaia Ibonga 10:2

Ao E kanakoa te ai te UEA n te tai ae e waekoa, ao e kabuokiia ni kamateia ikekei i matana.

Ab'akuka 3:5

E tuanga te aoraki b'a e na rimoana, ao te mate b'a e na rimwina.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Warekaia Iteraera 16:35

Ao n te aro ae a aki kantaningaia, ao E kab'aka te ai te UEA ni kabuokiia 250 te mm'aane ake a tia n anga te b'ai ni kaboiarara nako Ina.

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

Te Tua-Kaua 9:3

Ma E a tia ni berita te UEA ae Atuami b'a E na ririmoami, kaanga ai aron te ai ae kabuebue ae kabueki b'aai ni kabane mai m'aaini kawaimi. Ma ngaia are, ngkana kam buakaniia ami kairiribai, ao e na bon rangi ni bebete iroumi ngkana kam tiringiia man taua te aba.

Ebera 12:29

b'a Atuara ai aron te ai ae kamamate.

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

Te Kaotioti 22:20

E kaangai Teuare kaoti baikai, “Eng, ae N na roko ni waetata, Amen.” Nako mai, te Uea ae Iesu!