Taian Areru 50:21 - Te B'aib'ara

²¹ Ko a tia ni karaoi baikai, ao akea au taeka iai; Ko taku n am iango b'a ti te bo arou ma arom. Ma N na boaiko, ao N na kaotia raoi i matam bukinam irou.

Taian Areru 50:21 ပူးပေါင်းရင်းမြစ်များ

Iobi 34:33

Ko tiriburei baika E karaoi te Atua, ao ko iangoia b'a E na karaoa te b'ai ae ko tangiria? E mena te baaire i roum ao tiaki i Rou; tuangiira ngkai te b'ai ae ko iangoia.

Taian Areru 50:3

E nangi roko Atuara, ao E na aki kainab'aabu; E ri moana te ai ae ura m'aaka, Ao E otab'aniniaki rarikina n te ang ae matoatoa karena.

Taian Areru 50:8

I aki boaingkami i bukin ami karea ma ami karea ni kabuokaki ake a aki toki ni mena i matau.

Taian Areru 73:11

Ao a kaangai, “E na aki ataia te Atua; E na aki kona ni kunea te Atua are Moan te M'aaka.”

Taian Areru 90:8

Ko aki ti norira ngke ti bure, ma Ko norira naba ngke ti kataia ni karabai ara bure mairoum.

Te Otinako 3:14

E taku te UEA, “Bon te Atua Ngai ae akea tokina. Ma ngaia ae ko na tuangiia aomata b'a e kanakoko te UEA ae arana, “Ngai.”

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Te Minita 12:14

Te Atua, E na motikitaekan b'aai nako aika ti karaoi, e ngae ngkana ti karaoa te b'ai teuana ni karabaa, te b'ai ae e raoiroi ke ae e buakaka.

Itaia 26:10

E ngae ngkana e akoaki naba te aomata ae e buakaka i aon aban te eti aei, a karaoa ae kaairua ao a matakii nakon mimitongim, ara UEA.

Itaia 42:14

I a tia n tautaua marakin nanou n te tai ae e maan Ngai ae te UEA; ao ngkai N nang takaarua mani ngirangira kanga te aine ae e ariri ni bung.

Itaia 57:11

Ko m'aninga taekau ao ko a aki kakaonimaki i bukina ngke ko maaka te aomata temanna? Tao I a tia n aki kakarongoa n te tai ae e maan n te aro are ko a aki maakai?

Ieremia 2:23

Kam kakewei ami bure ao kam taku, “Ti itiaki. ti aki taromauria B'aara.” Ma kam na iangoa te b'ai ae kam karaoia n te M'arua are Innom. Ao kam biriaitua kaanga kaamero aika ataei, ni kawaekoaingkami n taromauria te bouananti teuana i mwiin teuana.

Amota 8:7

E a tia ni berita te UEA ae Atuaia Iteraera ao E kaangai, “N na bon aki m'aninga aia m'akuri aika a buakaka.”

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.Betero 3:9

E aki baenikai te Uea ni karaoa nanon ana taeka n akoi, n ai aron are a taku tem'angina n aia iango; ma E taotaona nanona nakoimi i bukina b'a E aki tangira temanna i buakomi b'a e na mate, ma E tangiriia aomata ni kabaneia b'a a na rairi nanoia.

Te Kaotioti 3:19

Akana I tangiriia ao I boaiia ma n reireiia aroia aika riai; ma ngaia ae ko na kakorakorako ao raira nanom.