Taian Areru 50:15 - Te B'aib'ara

¹⁵ Kam na weteai n tain te kaangaanga; N na kamaiungkami, ao kam na neboai.

Taian Areru 50:15 ပူးပေါင်းရင်းမြစ်များ

2.Uea 20:2

Ao e rairaki Etekia nakon te o ao e tataro ni kaangai,

2.Rongorongo 20:9

A kakoauaa b'a ngkana iai te buaka ke te aoraki ke te rongo ae e orea te aba aei, ao a na konaa n tataro am aomata nakoim n te Tembora, ao ko na ongo aia tataro ma ni kamaiuia.

Iobi 22:27

E na kaeka am tataro ngkana ko tataro nako Ina, ao ko na kaawakina am berita are ko karaoia nako Ina.

Taian Areru 107:19

Ao a wetea te UEA ngke a kai nanoia, ao E kamaiuia man rawawataia.

Taian Areru 107:28

Ao a wetea te UEA ngke a kai nanoia, ao E kamaiuia man rawawataia.

Taian Areru 120:1

Ngke e taonai te rawawata ao I tataro,

Taian Areru 22:23

Kam na kamoamoaa, ngkami aika kam toro iroun te UEA; Kam na karinea, ngkami aika ana kariki Iakob'a; Ao kam na bane ni maaku i rouna, ngkami aika Iteraera.

Taian Areru 34:5

Onimakinna, ao kam na kukurei; Kam aki kona ni b'ainrang.

Taian Areru 34:7

A kakawakinaki akana karinea te UEA iroun ana anera, Ao e kamaiuia man taiani kaangaanga.

Taian Areru 4:2

Maanraa ngkami aomata ni kamaamaeai? Maanraa ngkami n tangira ae akea bonganana? Ao ni iriira te kewe?

Taian Areru 50:23

Ane kareana te katituaraoi ao e karineai, Ao N na kamaiua ane ongeaba nako iu.

Taian Areru 77:2

I tataro nakon te UEA n tain te kaangaanga; I tabeki baiu n tataro n te tairiki koraki, ma e aki reke kabebeteau.

Taian Areru 77:3

Ngke I iangoa te Atua, ao I rawaawata ma ni b'ara nanou;

Taian Areru 81:7

Ngke kam reke n te kaangaanga, ao kam weteai ao I kamaiungkami. I buokingkami man au tabo ni karabai are n te angibuaka ma te baa. I kataingkami i rarikini koburaken raan i Merib'a.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Taian Areru 86:7

I weteiko n te tai ae e kai nanou iai, i bukina b'a Ko ongongo n au tataro.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Ieremia 39:17

Ma N na kaawakiningkami Ngai ae te UEA, ao kam na aki uotaki nako ia aika kam maakuia.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Ruka 22:44

Ngke E taonaki n te rawawata ae bati, ao E a kakorakora riki n tataro; ao maonona, a riki b'a kanga ai aron timtim n raraa aika buubura aika waanako ni b'aka i aontano.

Ioane 15:8

E neboaki Tamau n ami kariki uaa aika bati, ao n rikimi b'a au reirei.

M'akuri 16:25

Ngke e a nukanibong ao a tataro B'auro ma Tira, ao a anene n neboa te Atua; ao a ongora aomata ake buure i rouia.

Iakobo 5:13

E taonaki temanna i buakomi n te rawawata? Ke e tataro. E kukurei temanna? Ke e anene.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.

1.Betero 4:14

Ngkana kam tataebuakaki i bukin arani Kristo, ao kam a kab'aia; b'a E mena iroumi te Tamnei ae kamimii arona, ae Tamnein te Atua.

Tani Motiki-taeka 15:19

Ao e rangi ni kua Tamton, ao E katinakoa te ran te Atua man te b'a. Ao e mooi teutana mai iai Tamton, ao e a manga oki korakorana. Ao e arana te tabo arei Tamton b'a Ana koburake n ran te tia weewete, i bukina b'a e a tia ni wewetea te Atua i bukin buokana. Ao bon arei te M'angai n te koburake n ran ni karokoa taai aikai.