Taian Areru 50:14 - Te B'aib'ara

¹⁴ E na riki ami katituaraoi b'a ami karea nakon te Atua, Ao kam na kakoro bukin ami taeka ni bau nakon Teuare Moan te Rietaata.

Taian Areru 50:14 ပူးပေါင်းရင်းမြစ်များ

Iobi 22:27

E na kaeka am tataro ngkana ko tataro nako Ina, ao ko na kaawakina am berita are ko karaoia nako Ina.

Taian Areru 147:1

Kam na kamoamoa te UEA! E raoiroi te anene ni kamoamoa Atuara; e kakukurei ao e riai kamoamoana.

Taian Areru 22:25

N tain te bootaki ae ab'ab'aki, ao N na neboiko i bukini baike Ko a tia ni karaoi. N na anga i mataia aomata aika taromauriko karea ake I a tia n taku b'a N anga;

Taian Areru 22:26

A na am'arake ni katoki nanoia akana akea aia b'ai; Ao a na kamoamoa te UEA akana kawaria. A bia anganaki kukurein nanoia n aki toki.

Taian Areru 27:6

Ma ngaia ae N na tokanikai i aoia aiau aika otab'aniniai. N na angakarea i nanon ana um'antabu ma te b'ana ni kim'areirei; N na anene ni kamoamoa te UEA.

Taian Areru 50:23

Ane kareana te katituaraoi ao e karineai, Ao N na kamaiua ane ongeaba nako iu.

Taian Areru 56:12

Te Atua, I bae n au taeka ni bau nakoim: N na anganiko au katituaraoi b'a au karea,

Taian Areru 61:8

N na anene n nebonebo nakoim, Ao N na kakoro bukin au taeka ake I a tia n taku b'a N na kakoro, n te bong ae koraki.

Taian Areru 65:1

Te Atua, e bon riai iroura b'a ti na neboiko i Tion, Ao ti na kakoro bukin ara taeka ni bau

Taian Areru 69:32

Ane a na kukurei akana a b'ainikirinaki ngkana a nora kamaiuau; A na kauungaki nanoia akana taromauriko.

Taian Areru 76:11

Kakoro bukin ami taeka ake kam a tia ni kab'akai nakon te UEA ae te Atua; Ngkami aika botannaomata aika kam ua-kaan, kam na uoti b'aai n tituaraoi nakon te Atua are riai ni makaki.

Taian Areru 76:12

E kamangoria taan tautaeka aika kainikatonga, Ao E makaki irouia uean aonnaba.

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.

Naum 2:1

E a roko buakanakim Ninewe! E a roko te m'aaka are e a uruko ni kamaerikirikiko. Katauraoi nakon totokoaia ami kairiribai! Tararua te kawai! Tauraoi nakon te buaka!

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

Te Tua-Kaua 23:21

Kaain Iteraera, ngkana kam karaoa te berita ae tabu b'a kam na anga ami b'aintangira nakon te UEA, ao kam na karaoia naba n te tai ae waekoa, b'a ngkana E roko te UEA ni kakaea te b'aintangira are ko berita iai, ao ko na bure n urua te berita ngkana ko tuai n anga am b'aintangira.

Te Tua-Kaua 23:22

E raoiroi naba ngkana kam aki karaoa te berita, b'a kam aki kona n reke n te bure n urua te berita iai.

Te Tua-Kaua 23:23

Ko na riai ni kaawakini ami berita ni kabane ake kam karaoia nakon te UEA. Boni ngkoe ae ko baaireia b'a ko na karaoa te berita, ao akea ae imanonoiko.

Te Tua-Kaua 23:24

Ngkana kam nakon ana nnenikureebe temanna, ao kam kariaiakaki ni kang kureebe n aron are kam tangiria ngke kam mena ikanne. Ma kam na aki uotinako tabeua ngkana ko nako.

1.I-Tetaronike 5:18

kam na katituaraoi ni b'aai ni kabane. B'a bon aei nanon te Atua i bukimi ngkai kam reitaki ma Kristo Iesu.

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.