Taian Areru 50:1 - Te B'aib'ara

¹ E taetae Teuare M'aaka, ae te Atua ae te UEA; E weteia aomata nako i aonnaba mai tabona nako tabona.

Taian Areru 50:1 ပူးပေါင်းရင်းမြစ်များ

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

1.Uea 18:21

Ao e tei Eria i mataia ao e taku, “Ai ti maanra riki ngkami ni biribiri i marenan b'aai aika uoua? Ngkana kam taku b'a te Atua te UEA, ao taromauria. Ma ngkana te Atua B'aara ao taromauria.” Ao bon akea te b'ai ae a taekinna aomata.

1.Rongorongo 15:17

Aikai m'aane ake a rineaki b'a taani katangitang:

1.Rongorongo 16:37

Ao Tawita e rinea Ataba ao kanoan Rewi man ana kaainga b'a a na tararua te taromauri n te bong koraki n te tabo are e kaawakinaki iai te Atiniberita.

1.Rongorongo 25:2

Natin Ataba m'aane ake aman aika, Takuura, Ioteb'a, Netania, ao Atiarera, ake a mena i aan ana kairiiri tamaia ao a katangi taiani b'ai ni katangtang ngkana e tuangiia te uea b'a a na karaoia.

1.Rongorongo 25:6

A bane ni mena natina i aan ana kairiiri ao a katangi taian timbara, aabi, ao b'aai ni katangitang ake taiani karai i nanon tain te taromauri n te Tembora. A karekea te babaaire Ataba, Ierutun, ao Eman, ti mairoun te uea.

1.Rongorongo 6:24

Taata, Uriera, Utia, ao Tiaura.

2.Rongorongo 29:30

Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

Neemia 9:32

Atuara, ko bon rangi ni korakora, ko mamaakaki, ao ko kakaonimaki, ao ko b'aab'aina te koaua n am taeka. Ma ngaia ae, ti butiiko b'a ko na ururinga rawawataia am aomata, am uea, am taani kairiiri am burabeti, ao am burabeti ae moan te korakora, man te tai are e tautaeka iai Aturia ni karokoa te bong aei.

Neemia 9:6

Bon ti ngkoe te UEA, te Tia karaoa karawa ao taiani itoi ni kabane, te Tia karaoa te aonnaba ao ake a maeka i aona, te Tia karaoa marawa ao b'aai ake a maiu iai. Boni ngkoe boton te maiu, ae e neboaki irouia taian itoi aika a kaoni taiani karawa.

Taian Areru 113:3

Kam na neboa aran te UEA man otin taai ni karokoa bungina!

Taian Areru 73:1

E koaua ae e raoiroi te Atua nakoia Iteraera, nakoia ake a itiaki nanoia.

Taian Areru 74:1

Te Atua, Ko aera ngkai Ko kitanira n te aro aio? E na toki ningai unim irouia am Aomata?

Taian Areru 75:1

Ti katituaraoiko, te Atua, ti katituaraoiko! Ti kaotiotiko b'a Ko kakannato, ao ti tataekin baika kamimii ake Ko a tia ni karaoi.

Taian Areru 76:1

E ataaki te Atua irouia Iuta; E karineaki arana irouia Iteraera.

Taian Areru 77:1

I kanenea b'anaau ni wetea te Atua; I tang n takaarua, ao E ongo irou.

Taian Areru 78:1

Au botannaomata, kam na ongora n au taeka n reirei, Ao katanimai taningami nakon te bae N na taekinna.

Taian Areru 79:1

Te Atua, a roko baronga tabeua n ninia Abam. A kam'araea am Tembora are Tabu ao a urubekebekea aon Ierutarem.

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Taian Areru 81:1

Kam na anene ni kim'areirei nakon te Atua ae otangara; Kam na anene ni kakatonga nakon Atuan Iakob'a.

Taian Areru 82:1

E tekateka te Atua b'a te tia babaire n te bootaki ni kauntira i karawa; E anga ana moti n aia bootaki taian atua.

Taian Areru 83:1

Te Atua, Ko na tai kainab'aabu, ao Ko aoriko n akea te b'ai ae Ko karaoia!

Itaia 1:2

E taku ngkoa te UEA, “Ongora, karawa ao aonnaba! A tia ni manga kaaitaraai ataei ake I kaikawaia.

Itaia 37:20

Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 10:6

Ara UEA, ae E korakora ma ni m'aaka bon ti Ngkoe te Atua.

Amota 3:8

Ngkana e bekorara te raian ao ai antai ae e na kona n aki maaku? Ngkana e taetae te UEA ae te Atua ao ai antai ae e na totokoa taetaekinan ana taeka?

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Mataio 25:32

Ane a na bane ni botaki botannaomata ni kabaneia i matana, ao E na kaokoroia tekorakina mairouia tekorakina, n ai aron te tia kawakin-tiibu ngkana e kaokoroia tiibu ma kooti:

Iotua 22:22

“Ti bon kaotia ma te koaua i matan te UEA ae te Atua ae m'aaka ae ara tia kakoaua. E ataa bukin karaoan aei iroura, ao ti bon tangiriia naba aomatan Iteraera b'a a na ataa bukin karaoan aei iroura.