Taian Areru 5:7 - Te B'aib'ara

⁷ Ma i bukin batin am Tangira, ao I a kona n roko n am Auti; ao n taromauri n am Tembora are Tabu ma ni boobaraaki ni karineko.

Taian Areru 5:7 ပူးပေါင်းရင်းမြစ်များ

1.Uea 8:35

Ngkana tao arona b'a a bure am a Aomata nakoim, ao katuaaia n taua te karau b'a e na aki b'aka nakoia. Ao ngkana arona b'a a manga rairaki nakon te Tembora arei ma n tataro n Aram ma ni katoka karaoan te bure,

1.Uea 8:38

ao Ko na kakauongo ngkana iai temanna ae e tataro ma nanona n raraoma ni koaua ma baina aika e tabeki nakon am Tembora.

Taian Areru 101:7

E na aki maeka n au auti te tia m'am'anaa te aba; E na aki memena i matau ane b'ab'aina te kewe.

Taian Areru 130:4

Ma Ko kab'ara ara bure, ma ngaia ae ti na taromauriko.

Taian Areru 132:7

Ao ti kaangai, “Ti na nako n ana auti te UEA; ti na taromauri i matan ana kaintokanuea.”

Taian Areru 138:2

I bobaraaki ni kaitaraa am Auti are te Tembora are Tabu, ao I neboa Aram i bukin am Tangira ae akea tokina ma am Kakaonimaki, Ao i bukina b'a Ko a tia ni kaotia ae e moamoa riki Aram ma am Taeka nakoni b'aai ni kabane.

Taian Areru 28:2

Ongo irou ngkana I tabeki rake baiu ni kaitaraa am Tembora n au tai n tataro, B'a I tangira buokau mairoum.

Taian Areru 34:17

Ngke a tangira buokaia akana raoiroi, ao E ongo te UEA irouia; ao E kamaiuia man aia kaangaanga ni bane.

Taian Areru 51:1

Te Atua, nanoangaai, b'a akea tokin am Atataiaomata! Kaitiakai man au bure, b'a e bati am Nanoanga!

Taian Areru 52:8

Ao ngai ai aron te kai ae te oriwa ae maiu raoi n um'an te Atua: I onimakina ana ataataiaomata te Atua n aki tootoki.

Taian Areru 55:16

Ma I wetea te UEA ae te Atua, ao E na buokai, ao E na bon kamaiuai

Taian Areru 69:13

Ma ngai, N na tataro nakoim, te UEA; Ko na kaekaai, te Atua, n am Tai are Ko taku. Ko na kaekaai ni m'aitin am Tangira, ngkai ko kawakina am berita ni koauan am Kamaiu.

Taian Areru 69:16

Te UEA, Ko na ongo irou, n raoiroin am Tangira ae teimatoa; Ko na tanimai nako iu ni m'aitin am Nanoanga!

Taeka n Rabakau 6:16

Bon iai onoua ke itiua aekakiia aomata aika e ribaia te UEA:

Taeka n Rabakau 6:17

Aomata aika a kainikatonga ke ni b'anga ni kewe ke n tiriaomata,

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Itaia 64:11

E a tia ni mauna n te ai Tion ao te Tembora are e tabu ike a neeneboiko iai ara bakatibu. A riki b'a b'ariko n atiibu ara auti nako ngkoa ake a rangi n tamaroa.

Taniera 6:10

Ao ngke e ataia Taniera b'a e a tia n tiainaaki te tua arei, ao e a nakoni mwengana. Ao iai wintoon ana auti ae e uki ni kaitaraa Ierutarem. Ao e nako ni katorobubua i matan te winto, ao e tataro nakon te Atua. E tataneiai n tataro tenua te tai n te bongina.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”