Taian Areru 5:6 - Te B'aib'ara

⁶ Ko kamaunaiia taani kewekewe Ko ribaa te tiritiri, ao te tia kam'anea te aba.

Taian Areru 5:6 ပူးပေါင်းရင်းမြစ်များ

Karikani B'aai 34:14

Ao a taku nako ina, “Ti bon aki kona n anga m'anera nakon te aomata ae e tuai korotabonim'aneaki, e na bon riki b'a te b'ai ni kamamaa nako ira.

2.Tamuera 16:8

ane e na kabooa mwiin te b'ai are ko a tia ni karaoia te UEA i bukin tiringakiia ana utu Tauro aika a m'aiti. Ko iraea abanueana, ao ngkai e a tia te UEA n angan natim te m'aane are Abetarom. Ao bon anne ngkai ko a reke n te kangaanga ae e korakora!”

2.Tamuera 20:1

Ao e mena ikekei te tia kamangao man te baronga are Beniamin. Arana bon Tieba are natin Bikiri te m'aane. E katanga te bu b'a e na botiia aomata. Ao i mwiina, e taku, “Kaain Iteraera, Ai tiaki ara Uea Tawita are natin Iete te m'aane! Ti a nako n okiri mwengara.”

Taian Areru 11:5

E neneri aroia aomata aika raoiroi ma aika buakaka; ao E ribaia taani kakiriwe ma nanona ni koaua.

Taian Areru 4:2

Maanraa ngkami aomata ni kamaamaeai? Maanraa ngkami n tangira ae akea bonganana? Ao ni iriira te kewe?

Taian Areru 43:1

Te Atua, Ko na kaota ae I eti, Tei i buku ni kaitarai bukinau irouia aomata aika akea karineam irouia; Kamaiuai mairouia aomata aika m'am'anaa te aba, aika babakanikawai.

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

I-Rom 1:29

A kaonaki nanoia n te buakaka ni kabanea, ma te kani buakaka, ma te kani b'aib'ai ae korakora, ma te babakanikawai. A on n te bakantang, ma te nano ni kamamate ma ni kauntaeka, ma te uarao, ma te iowawa. Bon taani winanti,

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.