Taian Areru 5:4 - Te B'aib'ara

⁴ Tiaki te Atua ngkoe ae Ko tangira te buakaka; e na aki maeka iroum ane buakaka.

Taian Areru 5:4 ပူးပေါင်းရင်းမြစ်များ

1.Rongorongo 29:17

Ma ti kukurei b'a a tia aomata ni kabane n anganano ni baikai. Ko bon atai nanoia aomata ni kabane, ao ko boni kukurei ngkana a karaoa ae e raoiroi aomata nako.

Taian Areru 101:7

E na aki maeka n au auti te tia m'am'anaa te aba; E na aki memena i matau ane b'ab'aina te kewe.

Taian Areru 11:5

E neneri aroia aomata aika raoiroi ma aika buakaka; ao E ribaia taani kakiriwe ma nanona ni koaua.

Taian Areru 140:13

A na neboiko am aomata ao ana maeka ma ngkoe i bukina b'a a karaoa ae e raoiroi.

Taian Areru 50:21

Ko a tia ni karaoi baikai, ao akea au taeka iai; Ko taku n am iango b'a ti te bo arou ma arom. Ma N na boaiko, ao N na kaotia raoi i matam bukinam irou.

Taian Areru 63:2

N na noriko n am Tembora are Tabu, ao N na taratara aroni m'aakam ma mimitongim.

Taian Areru 88:14

Te UEA, bukin tera ngkai Ko ribaai? Bukin tera ngkai Ko tan nako mairou?

Taian Areru 92:15

E kaotaki n aei b'a E b'ab'aina te eti te UEA, Ao akea te b'ai ae buakaka iroun te tia kamanoai.

Taian Areru 94:20

Ko aki kona n i raorao ma tia moti akana moti-buaka, Akana karaoi baika katabuaki i aan te tua b'a a na karaoaki,

Ab'akuka 1:13

Ko aki kona n taraa te bure ma te buakaka. Ma ngaia are, tai tekateka ni kabuingoingo ngkai a kamaunaia aomata aika a raraoi riki nakoia.

Maraki 2:17

Kam a tia n rangi ni kakuaa te UEA n ami taeka nako. Ao kam titiraki ni kaangai, “Ti na kangaa ni karaoa anne?” Kam karaoia n ami taeka ngke kam kaangai, “E kukurei te UEA ni karaoa te buakaka ao E aki tabe ma te motiraoi.”

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

2.Betero 3:13

Ma n ai aron ana taeka n akoi, ti a tiku ni kaantaningai karawa aika boou ma te aonnaba ae boou, ike e mena iai karaoan nanon te Atua.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.