Taian Areru 5:11 - Te B'aib'ara

¹¹ Akana a biri nakoim i bukin katanaia; ke a anene ni kim'areirei n taai nako. Kataniia akana a tangiriko raoi ni koaua; ao kakim'areireia.

Taian Areru 5:11 ပူးပေါင်းရင်းမြစ်များ

Iobi 38:7

A ikotaki n anene itoi ni karangainan te bong arei, ao a takaarua ni kukurei b'ain karawa.

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 35:27

A na takaakaa ni kakatonga akana tangira kaetan taekau, Ao a na kaokioka atongan ae kaangai, “Ai kakannato ra te UEA! E kukurei nanona n ana tokanikai ana toro”

Taian Areru 40:16

A na bane ni kakatonga ma ni kukurei akana nakoim. A na aki toki akana kainanoa am Kamaiu ni kaangai, E na neboaki te UEA!

Taian Areru 58:10

Ane a na kakatonga aomata akana raoiroi n noriia akana buakaka ngkana a reke kaiia. Ane a na teboki waeia n raraaia akana buakaka.

Taian Areru 65:13

A on aon taabo ake a maiureirei uteute iai n nanai n tiibu; Ao a kebo nanoni m'arua n uita. A riki b'a kanga ai aroia aomata ake a bane ni kanene b'anaaia n anene ni kakatonga.

Taian Areru 68:3

Ma a kukurei ao a kakatonga akana raoiroi i matan te Atua; A kukurei ao a kaonaki n te kim'areirei ae bati.

Taian Areru 69:36

A na abanna naba aia kariki akana toro i rouna, Ao a na maeka iai akana tangira te UEA.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

I-Rom 8:28

Ao ti ataia b'a ni b'aai ni kabane, ao E m'am'akuri te Atua i bukin te raoiroi ao i bukiia te koraki ake a tangiria ake E a tia ni weteia nakon ana kaantaninga.

1.I-Korinto 2:9

Ma e a tia taekana n ai aron are koreaki ni kangai: “Baike e tuai n nori te mata, ao e tuai n ongo te taninga, ao e tuai n reke n ana iango te aomata, boni ngaai baike E katauraoi te Atua i bukiia ake a tangiria!”

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Tani Motiki-taeka 5:31

Ti tataro nakoim, ara UEA b'a a na mate ara kairiribai ni kabane n ai aron Titera Ma Ko na karaneaneaia ni kabane n aron taai ngkana e a tib'a ingabong akana tangiriko. Ao e tiku n rau Iteraera i nanon 40 te ririki.