Taian Areru 49:7 - Te B'aib'ara

⁷ Akea ae e kona ni kaboa maiuna, Ke n angan te Atua booni maiuna:

Taian Areru 49:7 ပူးပေါင်းရင်းမြစ်များ

Etita 5:11

Ao e kamoaa nakoia n aron kaub'aina ma m'aitiia natina m'aane, ma aron te uea ngke e karikirakea nakoana, ma arona n rietaata riki nakoia raona n aobitia.

Taeka n Rabakau 18:11

a taku aomata aika a kaub'ai b'a te m'ane bon te oo ae otangaia.

Ieremia 9:22

“E a tia n tuangiira te UEA b'a e na onrake te tano n rab'ataia aomata aika a mate, kaanga oin taian uita aika a tuai ni bootaki ke kaanga nakotariia maan.”

Otea 12:9

Iteraera, I bon teimatoa naba n riki b'a Atuam Ngai ae te UEA, ni bon arou naba ngkoa man te tai are kam mena iai i Aikubita. Ngkai N na imanonoiko b'a ko na manga maeka riki n te autinrianna, n aron are kam karaoia ngkoa te rereua.

Mataio 16:26

B'a tera te raka ae e na karekea te aomata ngkana e b'aina te aonnaba ae b'anin ao e kabua maiuna mai rouna? Ao tera ae e na anga te aomata b'a e na kaoka maiuna iai?

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Mataio 25:9

Ao a kaekaia nake a wanawana ni kangai, “Tao e na aki tau nako imi ao nako ira; ma kam na nako nakoia taani kabo b'a ni kabo ami b'a i bukimi.”

Mareko 8:37

B'a tera ae e kona n anga te aomata b'a e na manga kaoka maiuna iai?

1.Timoteo 2:6

are anga Ngaia i bukini kainaomataiia aomata ni kabaneia. E a kaotia n arona anne b'a te b'ai ni kakoaua n taina ae riai i bukin nanon te Atua n tangiriia aomata ni kabaneia b'a a na kamaiuaki;

1.Betero 1:18

Kam ataingkami b'a kam aki kainaomataki ni baika kai mauna, ae te tirewa ma te koora, man aromi nikawai ae akea manenana, ae kam anganaki mairouia ami bakatibu;