Taian Areru 49:5 - Te B'aib'ara

⁵ Bukin tera b'a N na maaku ni boong aika bubuaka, Ngkana I otab'aniniaki irouia aiau aika iowawa?

Taian Areru 49:5 ပူးပေါင်းရင်းမြစ်များ

Karikani B'aai 49:17

E na riki Taan b'a te naeta i rarikin te kawai, Te naeta ae rang ni boitin i rarikin te kawai, Are e tenai waeia taian aoti, B'a a aonga ni b'aka rikaaki taan toka i aoia.

Taian Areru 22:16

A otab'aniniai te bootaki n aomata ae buakaka b'a kanga ai aroia kamea; a ewari baiu ma waeu.

Taian Areru 23:4

Ngkana tao I nakonako i nanon m'aruan nuun te mate, ao N na bon aki maaku, te UEA b'a Ko meemena i rarikiu. Am kai ao okom a kawakinai raoi man taian kabuanib'ai.

Taian Areru 38:4

A rangi ni bati au bure, Ai aron te ieka ae I a b'ab'a iai; a rangi n rawaawata n te uotaki.

Taian Areru 78:2

N na kabonganai taian taeka n rabakau, Ao N na kab'arab'arai nanoni baike a raba ake b'ai nikawai,

Taeka n Rabakau 24:10

Tai b'ara n nano ma ni kakeaa am iango i nanon tain te kangaanga.

Taeka n Rabakau 5:22

A m'ane taani bure ni bon oin aia m'akuri ake a tia ni karaoi.

Otea 7:2

Bon akea temanna ae e ataia ae I a tia n noori aia bure nako aika a otab'aniniaki iai kaanga te ieka.

Amota 5:13

ma ngaia are te aki kakarongoa i nanon taai aika bubuaka bon aromi ni birikatai!

Warekaia Iteraera 23:7

Ao e taku B'araam: E kairai te uea are B'araka are ueani Moaba man tabukin Tiria b'a n na katekebuakaia Iteraera ma ni katanoata b'akana.

M'akuri 27:24

ao e kaangai, “B'auro, tai maku, e riai b'a ko na tei i matani kautun te tautaeka n Rom; ao noria, i bukin ana akoi te Atua nako im, ao a kamaiuaki iai aomata ni kabaneia ake a borau ma ngkoe.”

I-Ebeto 5:16

Kam na kabongana te tai ane kona n reke iroumi i bukini karaoan ae e raoiroi, b'a a buakaka aomata ni boong aikai.

I-Biribi 1:28

ao kam na tai maku n te b'ai teuana irouia ake a ekingkami nako. Aromi aei bon te b'ai ni kakoaua nakoia b'a a na boni konaaki, ao nakoimi b'a kam na bon tokanikai, b'a te baei boni mairoun te Atua.

1.Tamuera 26:20

Ko na aki kariaia b'a N na tiringaki n tanon abaia ianena, n te tabo ae e raroa nako mairoun te UEA. E aera uean Iteraera ngkai e nakomai b'a e na tiringai ngai ae kaanga utin te man? E aera ngkai e kaeai kaanga te mannikiba ae e aki manana?”