Taian Areru 48:1 - Te B'aib'ara

¹ E kakannato te UEA, ao E na bati ni karaoiroaki n ana kaawa are maeka iai, i aon ana Maunga are tabu.

Taian Areru 48:1 ပူးပေါင်းရင်းမြစ်များ

Neemia 9:5

Ao i mwiina, ao a taku kanoan Rewi, Ietua, Katemiera, Bani, Atiabeneia, Oria, Tebania, ao Betaia: “Teirake ao takaarua n nebonebo nakon te UEA, te Atua ae akea tokina! Neboa arana ae e kamimii, e korakora riki nakon ae e konaa ni kab'arab'araaki n te taeka.”

Taian Areru 145:3

E kakannato te UEA, ao E riai ni kabatiaki kamoamoana; Akea temanna ae ataa aroni kakannatona ni kabane.

Taian Areru 147:5

E kakannato ara Uea ao E korakora; akea tokin ana atatai.

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 30:1

I neboiko te UEA, b'a Ko kamaiuai; ao Ko tukiia aiau b'a a na aki b'ainingareai.

Taian Areru 42:1

Aron tangiran ranni karaanga iroun te man ae te ria, Ao ai aron naba tangiram irou, te Atua.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 46:4

Iai te karaanga ae uota te kim'areirei nakon te kaawa are ana tabo ni maeka ae tabu te Atua are Moan te M'aaka.

Taian Areru 47:8

E tauu taekaia botannaomata te Atua; E tekateka i aon ana kaintokanuea are tabu.

Taian Areru 65:1

Te Atua, e bon riai iroura b'a ti na neboiko i Tion, Ao ti na kakoro bukin ara taeka ni bau

Taian Areru 78:68

Ma E rinea te baronga are Iuta ao te Maunga are Tion, are E rangi n tangiria.

Taian Areru 86:10

Ko kakannato ao Ko karaoi baika kamimii; Bon ti Ngkoe te Atua.

Taian Areru 87:1

E katea ana kaawa te UEA i aon te maunga are tabu;

Taian Areru 87:3

Ana kaawa te Atua, ko na ongora n taekam aika kamimii mai Rouna:

Taian Areru 96:4

B'a E kakannato te UEA, ao E riai n rangi ni kamoamoaki; E na makaki riki nakoia anti ni kabaneia.

Taian Areru 99:9

Kam na neboa te UEA ae Atuara, ao taromauriia n ana maunga are tabu! Moan te tabu te UEA ae Atuara!

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Ieremia 31:23

E taku te UEA ae Moan te M'aaka ae Atuaia Iteraera: I berita b'a N na kainaomataia kaain Iuta ma ni kairiia rikaaki nakon aia kaawa ni koaua. Ao ngkana I karaoa aei, a na manga taetae riki ni kaangai, “Ti tataro b'a E na kakab'aia mwengana te UEA, te maunga ae e tabu i Ierutarem ike e tei iai ana Tembora.”

Ob'aria 1:17

“Ma a na birinako tabem'aang man te maunga are Tion, ao e na riki b'a te tabo ae e tabu. A na manga abana te aba kanoan Iakob'a ngkai bon abaia te aba.

Mika 4:1

Ni boong aika a na roko, e na riki b'a te kabanea n rietaata i buakon maunga te maunga are e tei iai ana Tembora te UEA, e na bura i aon tabuki nako. A na b'ab'aroakinna botannaomata nako.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Mataio 24:15

Ma ngaia aei, ngkana kam nora te baere kakamaaku are e taekinna Taniera are te burabeti, b'a e tei n te tabo are tabu n te um'antabu (ke e ataia te tia wareware),

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Te Kaotioti 19:5

Ao e nako te b'anaa man te kaintokanuea, ae kaangai, “Kam na karaoiroa Atuara, ngkami aika ana toro ni kabaneingkami, ma ngkami aika kam makua, aika kam mangori ma aika kam kakannato.”

Te Kaotioti 21:2

Ao I nora te kaawa are tabu, are Ierutarem ae boou, b'a e ruo mai karawa mairoun te Atua, ao e katauraoaki n ai aron te aine ae katamaroaaki i bukin teuare e na mare ma ngaia.