Taian Areru 47:5 - Te B'aib'ara

⁵ E rierake te Atua nakon ana kaintokanuea, A takaakaa ni kukurei aomata ao a katangaki bu ngke E rierake te UEA.

Taian Areru 47:5 ပူးပေါင်းရင်းမြစ်များ

2.Tamuera 6:15

A bane aomata nako n takaarua ma ni katang taian buu ngke e tabe ni uotaki te Atiniberita.

1.Rongorongo 15:24

Aikai araia: Berekia, Erekana, Obeta-Etom, ao Ieia. Ao n te kabanea, Tawita e rineaia ibonga ake a na nakonako i matan te Atiniberita b'a taani katang bu. Ao aikai araia: Teb'ania, Iotiab'ata, Netanera, Amatai, Tekaria, Benaia, ao Erietera.

1.Rongorongo 15:28

Ngke e tabe ni uotaki te Atiniberita nako Ierutarem, ao a bane aomata ni bukamaruia n takaarua ao ni katangi b'aini katangitang aika taiani konete, buu, timbara, aabi, ao b'aai ni katangitang riki tabeua ake taiani karai.

1.Rongorongo 16:42

Bon tabeia naba Eman ma Ierutun te katang taiani buu, ao katangakin taian timbara ao b'aai ni katangitang ake tabeua i nanon tain te taromauri n te Um'antabunrianna. Ao kanoan Rewi ake n te kaainga are Ierutun boni ngaiia ake taan tei i Kibeon.

Taian Areru 150:3

Kam na kamoamoaa ni katangan taiani bu. Kam na kamoamoaa n taian aabi ma raea.

Taian Areru 68:33

are buti i aoni baona i karawa, are te karawa ngkoangkoa. Ongora ni b'anaana, ae te b'ana ae korakora.

Taian Areru 78:65

Ao E uti te Uea n ai aron temanna ae uti ni matu; Ai aron te aomata ae aintoa ae aki rau arona ngkana e manging.

Taian Areru 81:3

Katanga te bu i bukin te bootaki ae ab'ab'aki are te Toa ae Moan Otin Nam'akaina ao ngkana e a tanimainiku.

Taian Areru 98:6

Katang taiani bu, ao kanene b'anaami ni kim'areirei nakon te UEA ae ara uea.

Etekiera 20:6

I tuea b'a N na kamaiuia mai Aikubita ma ni kairiia nakon te aba are I a kaman rineia. E mari te aba n te miriki ao ana karewe te manibeeru ao bon te aba ae te kabanea n tamaroa.

Amota 8:7

E a tia ni berita te UEA ae Atuaia Iteraera ao E kaangai, “N na bon aki m'aninga aia m'akuri aika a buakaka.”

Maraki 2:3

N na katuaaia ami kariki ma ni kabira matami ni butaeia maan ake kam anga b'a taiani karea, ao e a tib'a bane aia m'akuri ma ngkami.

Warekaia Iteraera 23:21

Bon te UEA ae te Atua aia Uea Iteraera. E maeka ma ngaiia ikekei, ao E aki kona ni karaoa te b'ai teuana ae buakaka nakoia.

1.I-Korinto 15:52

n te tai ae moan te waekoa, n te rube ni mata, n tangin te kabanea ni bu. B'a ane e na tangi te bu, ao a na manga kamaiuaki maate n aki kona ni mka, ao ti na onikaki.

1.I-Tetaronike 4:16

B'a ane E na ruo te Uea mai karawa ma te b'anaa ae takarua n taetae, ma b'anaan te anera ae kakannato, ma tangin ana bu te Atua. Ao a na manga uti moa ake a mate ake a onimakina Kristo,

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Iotua 6:5

N tokin te kaitiua ni katobibi ao a na katanga te buu ni kamaana tangina. Ao n te tai naba are kam ongo iai anne, ao kam na bane n takaarua ni kanenei b'anaami, ao e na rina ni b'aka oon te kaawa. Ao kam na bane n rin ni kaineta nanon te kaawa.”

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”