Taian Areru 45:7 - Te B'aib'ara

⁷ Ko tangira te maiu ae e raoiroi, ao ko riba ae buakaka. Ao anne bukin ae E rineiko iai te Atua, ae Atuam; Ao E karaoiko b'a ko na kukurei riki nakoia uea nako.

Taian Areru 45:7 ပူးပေါင်းရင်းမြစ်များ

1.Uea 19:16

Ao i mwiina, rinea Ieu are natin Nimti b'a e na uea i aon Iteraera, ao Eritai are natin Tiabata b'a e na onea mwiim ni burabeti.

Taian Areru 101:8

N na bane ni kamaunaia akana buakaka i aon te aba ni katoa ingabong; B'a a aonga ni bane n nako akana buakaka man ana kaawa te UEA.

Taian Areru 11:7

E kaakaraoa ae e raoiroi te UEA, ao E tangira karaoan te motikitaeka ae eti A na noora matana akana karaoi m'akuri akanne.

Taian Areru 2:2

A bootaki uean aonnaba n eekaanako te UEA ma ana King are E rineia.

Taian Areru 21:6

Ko kakab'aiaa n taai nako, ao e kaonaki n te kukurei ni memenam i rarikina.

Taian Areru 33:5

E tatangira te raoiroi ma te kaetitaeka ae riai te UEA; ana Tangira ae teimatoa e kaona aonnaba.

Taian Areru 89:20

I a tia ni kauea au toro are Tawita ngke I kabiria n te b'aa are tabu.

Taian Areru 89:26

Ane e na kaangai nako iu, ‘Bon Tamau ao Atuau Ngkoe; te tia katanai ao te tia kamaiuai.’

Taian Areru 99:4

Te Uea ae Ko korakora, Ko tangira te eti b'a e na karaoaki; Ko a tia ni kawenei am Babaire i bukini karaoan te kaetitaeka ae e raoiroi i buakoia Iteraera;

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Nakoaia Ibonga 8:12

Ao E katabua Aaron ni kab'aroa te b'aa teutana i aon atuuna.

Mataio 3:15

Ao Iesu E kaeka ni kangai, “Kariaia ngkai: b'a te b'ai ae riai i roura b'a ti na karaoi b'aai ni kabane ake E tangiri te Atua.” Ao e kariaia Ioane.

Mataio 7:23

Ao Ngai N na kangai nako ia, Bon te akea reitakiu ma ngkami; naako mai Rou, ngkami aika kam tuai mani karaoa nanon te Atua.

Ruka 13:27

Ao ngaia e na kangai, “I tuangngkami b'a I aki ata reitakiu ma ngkami! Naako mai rou, ngkami ni kabaneingkami aika taani karaoa ae buakaka!”

Ruka 3:22

ao E ruona aona te Tamnei are Raoiroi n rab'atana ae kanga taraan te taobe, ao e roko te b'ana mai karawa ae kangai, “Natiu ae Ko tangiraki Ngkoe; I kakatonga i Roum.”

Ioane 1:16

Man onrakena n te akoi ma te koaua, ao ti a karekea iai te akoaki teuana i mwin te akoaki teuana.

Ioane 20:17

E taku Iesu nakoina, “Tai riingai, b'a I tuai n rierake nakon Tamau; ma ko na nakoia tariu ao ko na atong au taeka aikai nakoia, I rierake nakon Tamau, are Tamami naba, ao Atuau, are Atuami naba.”

Ioane 3:34

B'a Teuare E kanakoa te Atua ao boni Ngaia ae E taekin ana taeka te Atua, i bukina b'a E anganaki te Tamnei iroun te Atua n aki tiatianaki.

M'akuri 2:28

Ko kaoti kawai ni kamaiu nako iu, Ao memenam irou e a karekea nako iu te kim'areirei ae bati.’

I-Rom 8:29

B'a te koraki ake E a kaman rineia ngkoa, E a kamani baireia naba b'a a na riki ni katotonga Natina, b'a E aonga n riki b'a te karimoa i buakoia taari aika bati.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

Ebera 1:9

Ko tangira karaoan nanon te Atua, ao Ko riba riaoakin nanona. Ma ngaia ae E kabiriko te Atua, ae Atuam, ni b'an te kim'areirei b'a Ko aonga ni kim'areirei riki i aoia raom.”

Ebera 2:14

Ma ngaia ae ngkai a buokanib'ai ataei n te raraa ma te iriko, ao Iesu E buokanib'ai naba ma ngaiia ni baikai, b'a e aonga n riki matena b'a kataean ana kai teuare iai m'aakana i aon te mate, ao teuaei bon te riaboro;

Ebera 7:26

Iesu ngkanne bon te Ibonga ae Kakannato ae tau i bukira; E kukurei te Atua i Rouna, akea kabuakakaana ma baarekana, E kam'awaki mai rarikiia taani bure, ao E karietataki riki i aon taiani karawa.

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.