Taian Areru 45:3 - Te B'aib'ara

³ Kabaea am kabaang i rarikini babatim, ngkoe ae ko ninikoria; ko mimitong ao ko karineaki.

Taian Areru 45:3 ပူးပေါင်းရင်းမြစ်များ

Iobi 1:16

Ao i mwiin banen ana taeka, ao e a manga roko te tia m'akuri are temanna ao e taku, “E karokoa te iti mai karawa te Atua, ao e tiringiia taian tiibu ma taan kawakin tiibu ni kabane. Bon ti ngai nikiraia are I a biri nako b'a N na tuangko.”

Taian Areru 104:1

N na karaoiroa te UEA ni maiu, te UEA ae Atuau, ai kakannato ra Ngkoe! am B'ai te karineaki ma te mimitong; kanga ai aron ae Ko kunnikaiko iai.

Taian Areru 145:12

B'a a aonga ni bane aomata n atai am m'akuri aika korakora ma ueam ae mimitong.

Taian Areru 145:5

A na taekina mimitongim ma karineam ao N na iangoi am m'akuri aika kamimii.

Taian Areru 21:5

E rangi ni karineaki te uea; Ko a tia ni buokia b'a e na kakannato taekana ma ni mimitong.

Taian Areru 21:7

E onimakina te UEA ae Moan te M'aaka te uea; Ao e na tekateka n rau i bukina b'a e tangiraki iroun te UEA.

Taian Areru 96:6

Iai te karineaki ma te mimitong i Rouna, Ao te korakora ma te tamaroa n ana Tembora ae Tabu.

Ana Anene Toromon 2:3

Ao ngkoe, au tangira, bon te kai ae te aaboro i buakon kain te buakonikai. E anganai te kukurei nuum; ao a karewerewe uaam.

Ana Anene Toromon 5:13

Bon te nnenaroka ubuna ae e boiarara ni b'aai ni kaboiarara; taiani kiebu riana aika e timtim mai iai te boiarara.

Itaia 49:2

E kakangii au taeka n ai aron kabaang ke tabon te kanoanikatebe; ke kaawakinai raoi ni karabaai i nanoni baina.

M'akuri 10:36

Kam ata te taeka are E kanakoa te Atua nakoia te botannaomata ae Iteraera, are taekan euangkerion te raoi i nanon Iesu Kristo, are aia UEA aomata ni kabaneia.

I-Rom 14:9

B'a E mate Kristo ao E a manga uti i bukin aei, b'a E aonga n riki b'a aia UEA ake a mate ma ake a maiu.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.

Ebera 8:1

Oin te kaantaninga ni baika ti taekin bon aei: b'a iai i roura te Ibonga ae Kakannato, are tekateka i angaatain ana kaintokanuea ae kakannato te Atua i karawa.

Iuta 1:25

ana b'ai te Atua ae ti temanna, are ara Tia Kamaiu, iroun Iesu Kristo are ara Uea, te neboaki, ma te karineaki, ma te tau-taeka, ma te m'aaka, ngke a tuai ni karikaki b'aai, ao ngkai, ao n aki toki. Amen.

Te Kaotioti 1:16

ao e tau itoi aika itiua i nanoni baina are ataina, ao e oti nako mai wina te kabaang ae kakang ae uaitera wina; ao taraan ubuna ai aron taai ae korakora riringana.

Te Kaotioti 19:15

Ao e oti nako mai wina te kabaang ae kakang, b'a E na oreia botannaomata iai, ao E na tauu taekaia ni kairiia ma te matoa; ao E na toutoua aon nen taonani kureebe are ana b'ai korakoran unin te Atua are Moan te M'aaka.

Te Kaotioti 19:21

Ao ake tabem'aang ake nikira a kamateaki n ana kabaang Teuare toka i aon te aoti, are te kabaang are oti nako mai wina; ao a bane ni ngae maan ake a am'arake n irikoia.