Taian Areru 45:11 - Te B'aib'ara

¹¹ E na tangiriko te uea i bukin tamaroam; am mataniwi ngaia, ma ngaia ae ko riai n ongeaba i rouna.

Taian Areru 45:11 ပူးပေါင်းရင်းမြစ်များ

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 45:6

E na teimatoa n aki tootoki ueam are E a tia n anganiko te Atua; Ko tautaekaniia am aomata ma te eti;

Taian Areru 95:6

Nako mai, ti na bobaraaki n taromauria; ti na katorobubua i matan te UEA ae te tia karikira!

Ana Anene Toromon 1:8

Neie ko rangi n tangiraki, ngkana ko aki ataia, ao ko na ira kawaia tiibu. Ao kaam'arakeia am kooti ataei i rarikin aia autinrianna taani kaawakintiibu.

Ana Anene Toromon 2:14

Bon au taobe ngkoe ae raba i buakon taiani b'a i rarikin katatin te aba. Kariaia b'a N na noora kanikanim! Kariaia b'a N na ongo b'anaam ae e tangiraoi.

Ana Anene Toromon 2:2

Raou ae e tangiriko, ngkana ko kabootauaki ma ataeinaine ake tekorakina, ao bon te kiebu ngkoe i buakon kaai aika a kateketeke.

Ana Anene Toromon 4:7

Raou ae e tangiraki, ko rangi ni kantangiraki n arom ni kabane.

Ana Anene Toromon 6:4

Raou ae ko rangi n tangiraki, a aki tamaroa riki nakoim kaawa aika Tireta ao Ierutarem. A m'aaka riki am tabunea nakon taiani itoi ni kabane ake i karawa.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Ruka 24:52

Ao a taromauriia, ao a manga, okira Ierutarem ma te kim'areirei ae bati;

Ioane 20:28

E kaeka Toma ao e taku nakoina, “Au Uea ao Atuau!”

M'akuri 10:36

Kam ata te taeka are E kanakoa te Atua nakoia te botannaomata ae Iteraera, are taekan euangkerion te raoi i nanon Iesu Kristo, are aia UEA aomata ni kabaneia.

I-Rom 14:9

B'a E mate Kristo ao E a manga uti i bukin aei, b'a E aonga n riki b'a aia UEA ake a mate ma ake a maiu.

I-Biribi 3:8

Tiaki ti baikai aika I taku b'a akea bonganaia, ma I atongi b'aai ni kabane b'a akea bonganaia i bukin te b'ai ae moanibaan te bongana riki, are ataakini Kristo Iesu are ara UEA, are I kabua au b'ai ni kabane i bukina, ao I atongi b'a maange, b'a E aonga n reke i rou bonganan arou ngkai ana aomata Kristo ngai,