Taian Areru 44:14 - Te B'aib'ara

¹⁴ Ko karikira b'a b'ainingare irouia botannaomata, Ao a ioioi atuia nakoira.

Taian Areru 44:14 ပူးပေါင်းရင်းမြစ်များ

1.Uea 9:7

ao N na aki kamaekaia Iteraera n te aba ae I a tia n anganiia. N na kamaunaa te Tembora aei, are a tia n taku b'a nneu n taromauriaki. Ao ane a na taku botannaomata tabeua b'a tiaki te torongaki ni botannaomata te botannaomata aei, ao ane a na b'ainingareia.

2.Uea 19:21

Ao aei te b'ai ae I taekinna nakon te uea arei: “A ribaiko kaain Ierutarem ao a b'ainingareiko; a ngareakiniko mai akuum.

2.Rongorongo 7:20

ao n na kanakoi ngkami man te aba ae I anganingkami aei. N na kiitana te Tembora are I a tia n taekinna b'a n taromauriaki iai, b'a a aonga n taku aomata n taabo nako b'a bon ti te manikangare ao a na b'ainingareia.

Neemia 2:17

Ma ngke I a okirikaaki, ao I taku nakoia, “E a bon rangi ni urubekebeke Ierutarem n te koaua! A tia n uruaki mataroana ma ni b'aka ma ni buee, ao a bane b'aai nako ni uruaki. Ti a riai ni manga katea oon te kaawa b'a ti aonga ni manga kakatonga n ara kaawa ae e buubura aei.”

Iobi 16:4

Ngke arona b'a I mena n tabo ane kam mena iai, ao e nang baiti te aro ni kabuakaka ke n anga taeka ni buobuoki.

Iobi 17:6

E a tia ni karikai b'a aia b'ai ni kabootau aomata, ao a roko ni baawarei ubu.

Taian Areru 109:25

Ngkana a norai au kairiribai, ao a taekin taeka aika buakaka a katoutou atuia ni kaenaena.

Taian Areru 123:3

Ko na nanoangaira, te UEA! B'a e korakora b'ainikirinara ao tiaki konai moaia.

Taian Areru 22:7

A bane ni b'ainingareai akana norai: A kaenaenaai ni wiia, ao a katoutou atuia;

Taian Areru 79:4

A taetae ni kabuakakaira botannaomata aika maeka i rarikira; A ngareakinira ao a kakanikoira.

Itaia 37:22

Etekia, ko tataro nako iu i bukin Uean Aturia are Tennakeriba. Ao ngkai, aio te b'ai ae I taekinna nakon te uea anne: Aomatan Ierutarem a ribaiko mani kakanikoko; ao a ngareakiniko mai akuum.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

Te Tua-Kaua 28:37

Ane a na kunnainga kaain aaba tabeua ngkana a noori ami kangaanga, ma a na bon teimatoa ni b'ainingareingkami.