Taian Areru 42:8 - Te B'aib'ara

⁸ E na kaota ana Tangira ae Teimatoa te UEA ni ngaina, B'a e aonga n reke kunau n te tairiki, Ae au tataro nakon te Atua ae anganai te maiu.

Taian Areru 42:8 ပူးပေါင်းရင်းမြစ်များ

2.Tamuera 22:5

E otab'aniniai kaanga marawa te mate, ao I kurimaraa ni kab'autaki n te ieka.

Iobi 35:10

Ma aki rairaki nakon te Atua are te Tia karikiia, are boni Ngaia ae anganiia te kaantaninga i nanon aia aoa aika rotongitong.

Taian Areru 124:4

ti na kaman tia n uotaki nako ni korakoran te ieka, ao ni mauna nako i aan ranna;

Taian Areru 133:3

Ai aron te aoi i aon te maunga are Oman, ngkana e ruon aoni maungan Tion. Ao anne te tabo are E tua te kab'aia iai te UEA, ae taekan te maiu ae akea tokina.

Taian Areru 149:5

A na kakatonga ana Aomata te Atua n reken aia tokanikai, Ao a na anene ni kim'areirei ni kangainaa.

Taian Areru 16:7

I neboa te UEA b'a E kairiirai, E kakauringai n te tairiki n ootan nanou.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 32:7

Boni nneu ni karabai Ngkoe; Ko na kamaiuai man te kaangaanga. I anene n takaruaea taekan am Kamaiu, I bukina b'a Ko kamanoai.

Taian Areru 44:4

Bon au Uea Ngkoe ao Atuau; Ko karekea te tokanikai nakoia ana aomata Iakob'a;

Taian Areru 57:3

E na kaekaai mai karawa ao E na kamaiuai. E na katae aia kai taan ribaai. E na kaota nako iu arona n ataataiaomata ma n onimakinaki.

Taian Areru 63:6

Ngkana I wene ni nneu ni wene, ao I uringko; I aki toki n iaiangoiko n te bong,

Taian Areru 77:6

I kabanea aoan te tairiki n iaiango Ngke I iaiango, ao aio te titiraki ae rio i nanou:

Taian Areru 88:8

Ko kararoaia raou mairou; Ko karaoa ae N na bati n ribaki irouia. I kainaki ao I aki kona n oti nako;

Itaia 30:29

Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

Nakoaia Ibonga 25:21

N na taraia raoi b'a kam na taiia ae e tau i nanon te kaonoua n ririki i bukin tenua te ririki.

Iona 2:4

I taku b'a I oreaki mai matam, ao I aki manga nora riki am Tembora are e tabu.

Mataio 8:8

Ma e kaeka mataniwin te taanga ni buaka are tebubua kaaina, ao e taku, “Te Uea, I aki tau b'a Ko na rin i nanon au auti: ma an taetae naba, ao e a marurung naba au toro.

M'akuri 16:25

Ngke e a nukanibong ao a tataro B'auro ma Tira, ao a anene n neboa te Atua; ao a ongora aomata ake buure i rouia.

Te Tua-Kaua 28:8

E anganingkami te aba aei te UEA, ao E na katetekeraoingkami ni b'aai ni kabane aika kam karaoi. E na rangi ni m'aiti uaan ami tai n te aro are a na onrake ami auti ni kawakinam'arake.

I-Korote 3:3

B'a kanga ai aron ae kam a tia ni mate, ao a karabaki maiumi ma Kristo i nanon te Atua.