Taian Areru 42:5 - Te B'aib'ara

⁵ E aera ngkae e rawaawata nanou? E aera ngkai I aki rau? N na kaantaninga te Atua, Ao N na manga neboia: B'a bon au tia kamaiu ao Atuau.

Taian Areru 42:5 ပူးပေါင်းရင်းမြစ်များ

Iobi 13:15

A bane ni bua au kantaninga, ao tera ngkana arona b'a E tiringai te Atua? B'a N nang kaeta taekau nako Ina.

Taian Areru 35:14

N ai aron ae I tataro i bukin raoraou ke tariu. I nanakonako ni katobibi ni bobobaraki n tanginiwenei, N ai aron temanna ae b'ab'aeb'aeta nanona ni maten tinana.

Taian Areru 37:7

Taotaona nanom ao kaantaninga te UEA; Tai kabonoa nanom irouia akana rikirake kab'aiaia, Ke irouia akana kokoro bukin aia iango nako aika bubuaka.

Taian Areru 38:6

I b'aoua ni maraki ao a aki kona n tei waeu; I tang ni kabongnga.

Taian Areru 42:11

E aera ngkae e rawaawata nanou? I aera ngkai I aki rau? N na kaantaninga te Atua, ao N na manga neboia: B'a bon au tia kamaiu ao Atuau.

Taian Areru 43:5

E aera ngkae e rawaawata nanou? E aera ngkai I aki rau? N na kaantaninga te Atua, ao N na manga neboia, b'a bon au tia kamaiu ao Atuau.

Taian Areru 44:3

E aki reke te aba irouia ara bakatibu n aia b'ai ni buaka; Ao e aki reke irouia n oini korakoraia; E reke ni m'aakam ao ni korakoram: mani kakoauaan memenam irouia ni kaotia b'a Ko tangiriia.

Taian Areru 56:11

I onimakinna ao akea te b'ai ae N na maaku iai. Tera ae e kona te aomata ni karaoia nako iu?

Taian Areru 56:3

Ngkana I maaku, Atuau, ao N na onimakiniko.

Taian Areru 61:2

I weteiko ngke e a b'ara nanou, ao I raroa nako mani mwengau! Ko na kairai nakon te b'aa ae rietaata ae rietaata riki nako iu.

Taian Areru 71:14

N na kakantaningaiko n taai nako; N na kakabatiaa m'aitin neboam.

Taian Areru 77:3

Ngke I iangoa te Atua, ao I rawaawata ma ni b'ara nanou;

Itaia 30:29

Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Warekaia Iteraera 6:26

E na karaoa ae raoiroi nako imi, ma n anganingkami te rau.”

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 26:38

E taku ngkanne nako ia, “E taonaki maiu n te rawawata ae moan te bati n te aro ae kaan ae N na mate iai. Kam na tiku ikai, ao kamarurungngkami n tantani ma Ngai.”

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

1.Tamuera 30:6

E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,