Taian Areru 42:2 - Te B'aib'ara

² E korakora tangiram irou, te Atua ae ko maiu. N ningai ae N na roko iai i matam n taromauriko?

Taian Areru 42:2 ပူးပေါင်းရင်းမြစ်များ

Iobi 23:3

Tera ngke I ata te tabo ike E mena iai, N na kona iai n roko n te tabo are E mena iai.

Taian Areru 27:4

Teuana te b'ai ae I butia iai te UEA, ae te b'ai ae I tangiria: b'a N na maeka n ana auti ni kabanea bongini maiu, ni mamatakuakina kamimiin raoiroina, Ao ni bubutiia ana kairiiri.

Taian Areru 43:4

Ao N na nako n am baonikarea, te Atua: Boni Ngkoe ae nako mairoum kukureiu. N na katanga au b'ai ni katangtang n neboiko, te Atua, ae Atuau.

Taian Areru 63:1

Te Atua, bon Atuau Ngkoe, I kakorakoraai n ukoukoriko; E kai nanou n tangiriko; kanga ai aron aontano ae m'auteretere ae e mate aona b'a akea te ran iai.

Taian Areru 63:3

E raoiroi riki am Atataiaomata nakon te maiu, Ma ngaia ae I riai n neboiko.

Taian Areru 84:10

E raoiroi riki te bong ae ti te bongina ni mena i nanon am Tembora nakon tengaa te bong ni mena n te tabo teuana. E raoiroi riki irou te tei n tantani i rarikini mataroan te kawai n rin nakon ana auti Atuau, Nakon te maeka ni mwengaia akana buakaka.

Taian Areru 84:2

Ti te kan nako ngai ni mena ikekei! I kan nako ni mena n ana Tembora te UEA. I anene ni kakatonga nakon te Atua ae maiu ma nanou ni kabane.

Taian Areru 84:4

A kab'aia akana maeka n am Tembora; A aki toki n anene neboiko.

Taian Areru 84:7

A rikirake riki ni marurung n aia tai ni m'ananga; A na nora te Atua ae tautaeka i aoia atua i Tion.

Te Otinako 23:17

A na riai n roko ami mm'aane n te Toa aei ni katoa ririki n taromauriai.

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Taniera 6:26

Au kaetieti nakoimi ni kabane kaain au tautaeka b'a kam na bane ni maaka ao ni karinea Atuan Taniera.

Ioane 5:26

B'a aron te Tama ngkai Ngaia oin te maiu, ao ai aron naba te Nati: b'a E a tia te Tama ni karaoia b'a oin te maiu,

Ioane 7:37

N te kabanea ni bong ae kakannato n tain te Toa are te Um'anrianna, ao E teirake Iesu, ao E kanenea b'anaana ni kaangai, “Ane kani mooi, ao ke e nako iu b'a e na moi!

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,