Taian Areru 41:7 - Te B'aib'ara

⁷ A bane ni wirikirikia taekau akana riribaai; A iangoi baika N na kona ni karawawataki riki iai.

Taian Areru 41:7 ပူးပေါင်းရင်းမြစ်များ

Taian Areru 31:13

I ongo b'anaaia ni wirikiriki taan ribaai aika m'aiti; I otab'aniniaki n te kakamaaku. A kario iango b'a a na eekainako. A iangoa kamateakiu.

Taeka n Rabakau 16:28

E aki raoiroi te maningongoo! E kariki taian namakin aika a buakaka ao e urui reitakiia raao.

Taeka n Rabakau 26:20

Ngkana akea te b'a ao e mate te ai; Ngkana akea te b'ab'arantiko ao e na toki te ngurengure.

Mataio 22:15

A botaki B'aritaio tabem'aang, ao a iangoa aroni kam'anean Iesu n ana taeka.

I-Rom 1:29

A kaonaki nanoia n te buakaka ni kabanea, ma te kani buakaka, ma te kani b'aib'ai ae korakora, ma te babakanikawai. A on n te bakantang, ma te nano ni kamamate ma ni kauntaeka, ma te uarao, ma te iowawa. Bon taani winanti,

2.I-Korinto 12:20

B'a I maaku, b'a I kawa n roko ao I noringkami b'a tiaki aron ae I tangiria, ao ngkami kam norai b'a tiaki naba aron ae kam tangiria; b'a a kawa n noraki i roumi taiani kauntaeka, ma te bakantang, ma un, ma unra i marenaia ami botaki nako, ma taeka ni kamaraki nano ma winanti, ma aaro ni kainikatonga, ma mwebuaka.