Taian Areru 40:6 - Te B'aib'ara

⁶ Ko aki tangiri karea ma angakarea; Ko aki tua maan aika ana kabuokaki ni kab'aninaki i aon te baonikarea ke karea i bukin kab'araan buure; Ma Ko anganai te kona n ongo am Taeka, ao n ongeaba nako iai,

Taian Areru 40:6 ပူးပေါင်းရင်းမြစ်များ

Iobi 33:16

E kauki taningaia b'a a na ongo baike E taekin, ao a na maaku n Ana taeka n reirei.

Iobi 5:9

Ti aki kona n atai b'aai aika ab'ab'aki aika E karaoi, ao bon akea tokin m'aitin Ana m'akuri aika kamimii.

Taian Areru 139:17

Te Atua, ai kaangaanga ra kunean am iango irou; ai ewa ra m'aitiia!

Taian Areru 139:18

Ngkana I wareki m'aitiia, ao a bati riki nakoni m'aitin tanon aon te bike. Ngke I uti, ao Ko boni mena naba i rarikiu.

Taian Areru 50:8

I aki boaingkami i bukin ami karea ma ami karea ni kabuokaki ake a aki toki ni mena i matau.

Taian Areru 51:16

Ko aki tangira te karea; ngkana tao Ko tangiria ao I a anganiko; Ko aki kukurei n te karea ae kabuokaki.

Taian Areru 71:15

N na aki toki n tataekin taekani baika raraoi ake Ko a tia ni karaoi, ma taekani kamaiuaia am Aomata iroum, e ngae ngke e ri aon au atatai.

Te Otinako 21:6

ao e na tei i rarikin mataroan ke bouan te mataroa n te tabo n taromauri, ao e na ewara taningana teuare e b'aib'ai i rouna n te biti ae kakang tabona. Te aro aei are e na riki iai b'a te toro ni kabane maiuna.

Itaia 1:11

“Bon akea nanon ami karea nako iu I a aoraki n ami karea aika taian tiibu ao taiani kao aika a rineaki; I aki tangira raraaia taiani kao ke taian tiibu ke taiani kooti.”

Itaia 25:1

Bon Atuau, Ngkoe, te UEA! N na neboiko i bukin karaoan b'aai aika a kamimii aika ko a tia ni baairei ma ni berita iai man taai ake ngkoa.

Itaia 66:3

Kam kareani taiani kaom'aane nako iu, ao kam tiriaomata; kam karean taian tiibu ataei nako iu ao kam karean taian kamea nakoia anti tabem'aang; kam karean taiani uita nako iu ao raraan taiani beeki nakon taian bouannanti; kam kabuoki b'ai ni kaboiarara nako iu ao kam neboi ami bouannanti. Kam a tia ni rinea are kam tangiria b'a kam na karaoia ni karaoi m'akuri aika a rangi n ribaaki aikai aika b'aai aika kam rangi n tangiri ni kan karaoi.

Otea 6:6

I tangiria b'a kam na kakaonimaki ma n ataai nakon ae kam na anga taian karea.

Amota 5:22

Ngkana kam uoti nako iu ami karea ni kabuokaki ma ami karea ni uita, N na bon aki butim'aai; N na bon aki naba butim'aai ami man aika kamarikaaki b'a ami karea nako iu.

Mataio 12:7

Ao ngke arona b'a kam ata nanon ae kangai, ‘I tangira te nanoanga, ao I aki tangira te angakarea, ao kam na aki kabuakakaia aika aki bure.’

Mataio 9:13

Kam na nako n reireingkami b'a tera ae nanonaki n taeka aikai: ‘I tangira te nanoanga, ao I aki tangira te angakarea.’ B'a I aki roko b'a N na weteia akana raoiroi, ma I roko b'a N na weteia akana buakaka.”

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.