Taian Areru 40:4 - Te B'aib'ara

⁴ A kab'aia akana onimakina te UEA, ake aki rairaki nakon bouannanti ke n raoniia akana taromaurii anti aika kewe.

Taian Areru 40:4 ပူးပေါင်းရင်းမြစ်များ

Taian Areru 119:21

Ko boaiia akana kainikatonga, a na reke kaiia, akana aki ongeaba nakon am Tua.

Taian Areru 125:5

Ma ngkana Ko kareke kaiia akana buakaka, ao e na kareke kaiia naba akana aki ira nanom. Tataro i bukin reken te rau i aoia Iteraera!

Taian Areru 15:4

A kakeai bongaia aomata aika akea aroia, mani kaota te karinerine nako ia aomata ni kabane ake a taromauriia te UEA, mani kawakin aia berita, n aki ongea booia.

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 33:3

Anene nakoina n te anene ae boou; Kaoti rabakaumi ni katanga te aabi, ao kanene b'anaami ni kim'areirei!

Taian Areru 34:8

Kataia ni kunea i bon iroum aron raoiroin te UEA. E a kab'aia te aomata ae nakoina i bukini kamanoana.

Taian Areru 71:6

E mena mwiokoni maiu iroum mai moana ni karokoa tokina; Ko a tia ni kakaawakinai man te tai are bungiaki iai. N na neboiko n taai nako.

Iona 2:8

Akana a taromauri bouannanti aika akea maneia, a tia ni kitana karineam.