Taian Areru 40:12 - Te B'aib'ara

¹² A bati kaangaanga aika otab'aniniai, a riao m'aitiia! A taonai nako au bure aika bati, ao akea te bae I kona n noria; a m'aiti riki nakon iran atuu, ao e a b'ara nanou.

Taian Areru 40:12 ပူးပေါင်းရင်းမြစ်များ

Karikani B'aai 42:28

Ao e taku nakoia tarina ake tabeman, “E a manga kaokaki au m'ane nako iu, nooria e bon mena i nanon au baeki.” Ao a ruru ni maaku ngke a aitara mata i bon irouia, ao a taku, “Tera ae karaoia te Atua nakoira?”

Taian Areru 116:3

I otab'aniniaki ni kabuanib'ai aika N na mate iai; E taonai kakamakun te mate; e korakora maku ma nakon nanou.

Taian Areru 19:12

Antai ae kona n nora oin ana kairua? Kamaiuai mani karaoani baika I aki atai b'a a buakaka!

Taian Areru 38:4

A rangi ni bati au bure, Ai aron te ieka ae I a b'ab'a iai; a rangi n rawaawata n te uotaki.

Taian Areru 61:8

N na anene n nebonebo nakoim, Ao N na kakoro bukin au taeka ake I a tia n taku b'a N na kakoro, n te bong ae koraki.

Taian Areru 69:4

Te koraki ake a ribaai n akea bukina a m'aiti riki nakoni m'aitin iran atuu. A tabeki taeka ni kewe n eekainako iai; A korakora ake a kani kamateai. A tauai ma te matoa b'a N na kaoki b'aai ake I aki I raei.

Taian Areru 73:26

E kona n rikirake ni mamaara nanou ma rab'atau, Ma bon te tia kakorakoraai te Atua, ao ti Ngaia ae I kainanoia.

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Ruka 21:26

Ane a na b'aka ni kiro aomata i bukin te maaku ma kaantaningaan te b'ai ae na roko i aonnaba; b'a ane a na kam'aeaki b'aini karawa mani neia are a taneiai iai.

Ebera 4:15

B'a ara ibonga ae kakannato bon tiaki ae aki kona te nanoangaira i bukini mamarara, ma bon ae kaririaki ni b'aai ni kabane n ai arora, ma E aki bure.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;