Taian Areru 39:6 - Te B'aib'ara

⁶ kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Taian Areru 39:6 ပူးပေါင်းရင်းမြစ်များ

Iobi 14:1

Ti bane ni bungiaki ni mamaara. A kimototo, ao a kangaanga maiura ngaira aikai ni kabane.

Iobi 7:16

E a b'ara nanou; I a kua n te maiu aei. Katukai n ti ngai, akea nanoni maiu.

Iobi 7:7

Te Atua O, uringnga b'a ti te ikeike maiu aio, a bon tia n toki kukureiu.

Taian Areru 127:2

E matebuaka te kamarurung n tarai-aro i bukini maium, n uti nako i m'ain otin taai ni m'akuri ni karokoa ae e a tai-raa: B'a E kareke b'aai te Atua nakoia akana E tangiriia, n aia tai ni matu.

Taian Areru 144:4

Ai aron te ike ae ti te ikena ngaia; Ao ana bong ai aron te nu ae roko n nako.

Taian Areru 89:48

Akea te aomata ae kona n inaomata man te mate ke te ruanimate.

Taeka n Rabakau 13:22

Ngkana kam ongotaeka iroun te Atua, ao a na iai ami b'ai tabeua aika kam na katikui i bukiia tibum. Ma ngkana kam aki ongotaeka iroun te Atua, ao ane a na manga anai b'aai ake kam katikui aomata aika a raoiroi maiuia.

Taeka n Rabakau 23:5

E na kibanako ami m'ane i m'aain ae kam a ataia, n ai aron te ikare ae e karina ni kiba nako.

Taeka n Rabakau 27:24

b'a a aki teimatoa n aki toki te kaub'ai ma te karineaki.

Te Minita 1:14

I a tia n noori b'aai ni kabane, ao akea nanoni iango ni kabane b'a kaanga ti kaean te ang.

Te Minita 11:10

Katoki iango ni kabane aika ko na raraoma ma ni maraki iai, b'a e waekoa ni mauna nako tamaroan te maiu n rikirake.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Te Minita 12:8

Akea nanon b'aai nako. I a tia n noori ni kabane akea nanon b'aai nako.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Te Minita 2:8

Taan tautaeka mai abatera a uoti nako iu tirewa, koora, ao kaub'ai aika a tamaroa. A uouoai ao n aneneai m'aane ma aine, ao a m'aiti buu aika taan anganai te kakukurei ae e bati.

Te Minita 5:14

Ao ane a na karina ni bua b'aai ni kabane ake a karekei man te anga n iokinib'ai ae e buakaka, ao ane e na akea ae e na tiku i bukiia natiia.

Itaia 55:2

E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

Ruka 12:26

Ngkana ngaia b'a kam aki kona ni karaoa te b'ai ae uarereke ae ai aron anne, ao e aera b'a kam na iango n raraoma i bukini b'aai akekei?

Ruka 12:29

Ao ngkami, tai ukoukori kanami ao nimami, ao tai nanokokoraki.

1.I-Korinto 7:31

ao ake a tabe ma b'ain te aonnaba aei, b'a aongkoa a aki kabanebuakai aia tai iai. B'a te aonnaba aei, n arona ae ngkai, e na aki maan ao e na mauna.

Iakobo 4:14

Ao kam bon aki ataia b'a tera aroni maiumi ningabong. B'a kanga ai aron te mabubu ngkami, ae kaoti teutana ao rimwi e mauna.

Iakobo 5:3

A raraa ami koora ma ami tirewa; ao a na riki raraani baikai b'a b'aai ni kakoaua aika na kabuakakaingkami, ao a na kang irikomi n ai aron te ai. Kam a tia ni kaiko ami b'ai i nanoni boong aika kabaneani boong.

1.Betero 1:24

B'a e kaangai te B'aib'ara: “Kanga te uteute aomata ni kabaneia, ao tamaroaia ni bane kanga ai aron ueen te uteute. E rai te uteute, ao e b'aka te uee,

1.Betero 5:7

Kam na kaaki i aona baika kam raraomaeakin, b'a E tabeakiningkami.