Taian Areru 39:5 - Te B'aib'ara

⁵ Moan te uarereke au bongi ni maiu; m'aitin au ririki ni maiu bon te akea i matam. Te maiu aei kaanga mwemwen te ang,

Taian Areru 39:5 ပူးပေါင်းရင်းမြစ်များ

Karikani B'aai 47:9

Ao e taku Iakob'a, “M'aitin au ririki i nanon maiu ae te m'am'ananga bon tebubua tenibwi te ririki. Ao ririkini maiu aikai a bon kimototo, ao a kamaamate, tiaki aron anaanaun ririkin maiuia au bakatibu i nanon maiuia naba ni m'am'ananga.”

2.Tamuera 19:34

Ao e kaeka Baretirai ni kaangai,: Te uea ae ko karineaki, e aera ngkai N na nako Ierutarem? E aki rangi ni maan maiu b'a I a kara.

Iobi 7:6

A bane au bong, ao akea te b'ai ae I kantaningaia, a waekoa n nako kaanga birim'aakan ana rika n raranga te tia raranga te kunnikai.

Taian Areru 144:4

Ai aron te ike ae ti te ikena ngaia; Ao ana bong ai aron te nu ae roko n nako.

Taian Areru 39:11

Ko boaiia ma n reireiniia aomata man aia bure; ao ko kamaunai kaub'aia kaanga te m'ata te aomata boni kaanga te nu.

Taian Areru 62:9

Ai aron te ike ae ti teuana aomata nako; Ao ti te bo aroia aika kakannato ma aika mangori n akea manenaia. Ngkana a tauaki rawawataia, ao bon akea rawawataia; A bebete riki nakon rawawatan angin te ike ae ti te ikena.

Taian Areru 89:47

Uringa ae e kimototo maiu; uringa ae Ko karikira ni kabaneira b'a aomata aika iriani maiuia te mate.

Taian Areru 90:12

Reireiniira b'a ti na ataa ae kimototo maiura aio, B'a ti aonga ni kareke nanora aika wanawana.

Te Minita 1:2

Akea nanoni b'aai nako! A bane n akea nanoia. I a tia n noori ni kabane akea nanoni b'aai nako!

Te Minita 2:11

Ao i mwiina, I a iangoi b'aai aika I a tia ni karaoi, ni ikotaki ma m'akuri aika a matoatoa, ao ngaia bon ti kakiokioan te ang. Bon akea nanoni b'aai ni kabane.

Itaia 40:17

E iangoia botannaomata te Atua b'a b'aai aika akea manenaia.

Iakobo 4:14

Ao kam bon aki ataia b'a tera aroni maiumi ningabong. B'a kanga ai aron te mabubu ngkami, ae kaoti teutana ao rimwi e mauna.

2.Betero 3:8

Ma aei te koaua teuana ae kam na aki m'aninga taekana, ngkami aika kam tangiraki: b'a ti te bo te bong ae ti te bongina ma ririki aika tengaa iroun te Uea, ao ti te bo tengaa te ririki ma te bong ae ti te bongina i rouna naba.