Taian Areru 39:13 - Te B'aib'ara

¹³ I a butiiko ma tai manga bononnanoai, b'a I aonga ni manga kim'areirei i m'ain ae I nako, ao I a aki manga oki.

Taian Areru 39:13 ပူးပေါင်းရင်းမြစ်များ

Karikani B'aai 42:36

Ao e taku teuare tamaia nakoia, “Kam bon tangiria b'a a na bane n akea natiu? E a bua Ioteb'a; E a bua naba Timeon, ao ngkai kam a manga tangira naba Beniamin. I a bon rangi ni maraki.”

Karikani B'aai 47:9

Ao e taku Iakob'a, “M'aitin au ririki i nanon maiu ae te m'am'ananga bon tebubua tenibwi te ririki. Ao ririkini maiu aikai a bon kimototo, ao a kamaamate, tiaki aron anaanaun ririkin maiuia au bakatibu i nanon maiuia naba ni m'am'ananga.”

Karikani B'aai 5:24

E kabanea maiuna n iraorao ma te Atua, ao i mwiina, e a bon bua nako naba, b'a E anaia te Atua.

2.Uea 20:3

Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

1.Rongorongo 29:15

Bon iruwa ngaira aika ti maeka tabeua te tai n te aonnaba aei, n ai aroia ara bakatibu. Ti na manga bon waekoa n nako, n ai aron te nuu ae e waekoa ni mauna nako.

Iobi 7:19

Ko kona ni karekea au tai teutana b'a N na ti oonga moa baawareu?

Taian Areru 119:19

Tiaki te tia tiku ni maan ngai i aon te aba; Tai tukai man atan am Tua.

Taian Areru 18:7

Ao e m'aeiei ma n ruru aonnaba; Ao a ingiing ni m'aeiei naba aani maunga, i bukin unin te Atua.

Nakoaia Ibonga 25:23

Akea te aba ae na kabooaki ni karekeaki raoi, ke ni kabooaki nako raoi. Abau ni kabane, tiaki abami, b'a kam ti maeka iai i nanon te tai ae e uarereke.