Taian Areru 38:4 - Te B'aib'ara

⁴ A rangi ni bati au bure, Ai aron te ieka ae I a b'ab'a iai; a rangi n rawaawata n te uotaki.

Taian Areru 38:4 ပူးပေါင်းရင်းမြစ်များ

Etira 9:6

ao I tataro ni kaangai: I a bon rangi ni mamaa ni kaaitarako te UEA ae te Atua. A tia n taoniira ara bure ma ara kaairua n ai aron te ieka ae e rooti taiani karawa.

Iobi 33:19

E reireia te aomata te Atua ngkana E karokoa te aoraki ma te maraki i aon rab'atan te aomata.

Taian Areru 107:17

A karawaawataaki tem'angina i bukin nanobabaia: B'a a bure ao a bubuaka aroia.

Taian Areru 40:12

A bati kaangaanga aika otab'aniniai, a riao m'aitiia! A taonai nako au bure aika bati, ao akea te bae I kona n noria; a m'aiti riki nakon iran atuu, ao e a b'ara nanou.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

B'aeb'aeti 1:14

“E atai au bure ni kabane, ao E bootii n ti teuana. E katokaa i aon akuu b'a kaanga te amo. Ao e a taonai rawawatana. E anga ngai te UEA nakoia au kairiribai ao i aki konab'ai ni kaaitaraia.

Nakoaia Ibonga 7:18

Ngkana arona b'a e kanaki te am'arake n te katenibong, ao e na aki butim'aea ana karea te aomata anne te Atua. E na aki warekaki te karea anne b'a raoiroina, ma e na atongaki b'a kam'araana, ngkana iai ane e kanna, e na manga bon okiraki ni mwiina.

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.