Taian Areru 38:22 - Te B'aib'ara

²² Bareiko ni buokai, Ngkoe te Uea ae I maiu iroum!

Taian Areru 38:22 ပူးပေါင်းရင်းမြစ်များ

Taian Areru 141:1

Te UEA, I weteiko; Ko na buokai ngkai! Ko na ongora irou ngkana I weteiko.

Taian Areru 22:12

A otab'aniniai kairiribai b'a kanga ai aroia kaaom'aane aika bati, kanga kaao-m'aane aika korakora mai Batian aika korakora.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 40:13

Te UEA, taiaoka ma bareiko ni kamaiuai!

Taian Areru 40:17

Ao ngai, I a kaawa, ao e kai nanou; Ma E ururingai te UEA: Bon te tia buobuokai ao au tia kamaiu Ngkoe, Atuau! Bareiko ni buokai.

Taian Areru 62:2

Ti Ngaia katanau ao buokau; Ngaia ae kamanoai, ao N na aki kona n taenikai.

Taian Areru 62:6

Ti Ngaia katanau ao buokau, Ngaia ae kamanoai, N na aki kona n taenikai.

Taian Areru 70:1

Te Atua, Ko na kamaiuai! Te UEA, Ko na bareiko ni buokai!

Taian Areru 70:5

I kananoanga ao e kai nanou; Te Atua, Ko na bareiko n nako iu. Boni Ngkoe te tia buokai ao te tia kamaiuai; te UEA, tai tab'ara ma buokai!

Taian Areru 71:12

Te Atua, tai kararoako mairou; Atuau, tai tab'ara ma nako mai buokai!

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”