Taian Areru 37:40 - Te B'aib'ara

⁴⁰ E buokiia ao E kamaiuia; E kamaiuia mairouia akana buakaka, b'a kioina ngkai a karabaia i rouna.

Taian Areru 37:40 ပူးပေါင်းရင်းမြစ်များ

1.Rongorongo 5:20

Ni katoa nako ia tautia aikai ni buakaniia aia kairiribai, ao a aki toki n taatataro nakon te Atua ma n onimakinna b'a E na buokiia. Ao bon anne bukin totokanikaia baronga aika Reuben, Kata, ao Manate Mainiku i aoia kaain Akera ma taani buokiia.

Taian Areru 17:13

Karaoa ae ko taku te UEA! Ao kataenikaia. Kamaiuai mairouia aomata aika buakaka n am Kabaang.

Taian Areru 27:2

Ngke a eekainako aiau ma ni kataia ni kani kamateai, Ao a na bon tae aia kai mani b'aka.

Taian Areru 34:20

E tararuaia raoi te UEA, ao akea naba teutana ikoakina.

Taeka n Rabakau 20:22

Ko na aki kataia ni kabooa mwiin te buakaka. Onimakina te UEA, ao ane e na buokiko.

Itaia 31:5

Ngai, te UEA ae Moan te M'aaka, ae N na kaawakina Ierutarem kaanga te mannikiba ae e kibakiba ni katoobibi i aoni ngaona.”

Itaia 46:4

Ao N na bon karaoa naba anne ngkana kam a kara ma ni iaia, ao N na bon kaawakiningkami. I karikingkami. I uotingkami ao I tararuaingkami n taai nako.

Taniera 3:17

Ngkana arona b'a E konaa te Atua ae ti m'akuri i bukina ni kamaiura man te ai ae e ura m'aaka ao man m'aakam, ao E na boni konaa ni kamaiura.

Taniera 3:28

Ao e taku te uea, “Neboa Atuaia Tiateraka ma Metiaka ao Abeteneko! E a tia ni kanakoa ana anera ni kamaiuia Ana aomata aika a toro i rouna ma ni kakoaua. A kukurei n anga riki rab'ataia nakon te kamateaki nakon ae a na bobaraaki n taromauria te anti temanna i rarikin Atuaia.

Taniera 6:23

E rangi ni kukurei te uea, ao e tua b'a e na katikakirake Taniera mai i nanon te b'angab'anga. Ma ngaia are, a katikia ni waerake ao a nooria b'a bon akea ikoakina teutana, b'a e onimakina te Atua.

1.Ioane 5:18

Ti ataia b'a ane bungiaki mairoun te Atua e aki bure; ma Teuare bungiaki mairoun te Atua E kawakinna, ao akea te kabuanib'ai ae na riki nako Ina mairoun teuare buakaka.