Taian Areru 37:39 - Te B'aib'ara

³⁹ E kamaiuia akana raoiroi te UEA, ao E kataniia n tain te kaangaanga.

Taian Areru 37:39 ပူးပေါင်းရင်းမြစ်များ

1.Rongorongo 5:20

Ni katoa nako ia tautia aikai ni buakaniia aia kairiribai, ao a aki toki n taatataro nakon te Atua ma n onimakinna b'a E na buokiia. Ao bon anne bukin totokanikaia baronga aika Reuben, Kata, ao Manate Mainiku i aoia kaain Akera ma taani buokiia.

2.Rongorongo 32:22

E kamaiua Etekia ma kaain Ierutarem te UEA mairoun Tennakeriba ao e kaawakiniia naba mairouia aia kairiribai ake tekorakina.

Taian Areru 28:7

Boni korakorau te UEA ao otangau; I onimakinna. E anganai buokau, ao E kakukureiai. I anene ma te kim'areirei ni kamoamoaa.

Taian Areru 3:8

b'a Ko tararuaia am Aomata ma ni kakab'aiaia.

Taian Areru 34:20

E tararuaia raoi te UEA, ao akea naba teutana ikoakina.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 46:2

Ma ngaia ae ti na aki maaku, e ngae ngkana e m'aeiei aon te aba, ao a b'aka maunga i nanoni marawa;

Taian Areru 62:2

Ti Ngaia katanau ao buokau; Ngaia ae kamanoai, ao N na aki kona n taenikai.

Taian Areru 9:10

A na onimakiniko akana a ataa aram, ao Ko aki kitaniia akana nakoim.

Taian Areru 9:9

Bon te tabo ni kamaiu te UEA i bukiia akana a karawaawataaki, ao bon te nne ni kamanomano ni bongin te rawaawata.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Taeka n Rabakau 11:8

E katuanakoia ana aomata te UEA te kangaanga ao e oroia aika a buakaka.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 33:2

Taiaoka, te UEA, nanoangaira! Ti onimakiniko. Kakorakoraira ni katoa ingaabong, ao kawariira ni kamaiura ngkana ti a reke n te kangaanga.

Ieremia 15:20

i bukina b'a I kakorakorako, kaanga te oo te buraonti. A buakaka ao a tiritiri, ma N na mena i rarikim ikekei ni kamaiuko

Taniera 3:17

Ngkana arona b'a E konaa te Atua ae ti m'akuri i bukina ni kamaiura man te ai ae e ura m'aaka ao man m'aakam, ao E na boni konaa ni kamaiura.

Iona 2:9

Ma N na anenea kamoamoam; N na anga karea nakoim. N na karaoa are I a tia n taetae n tuea iai. Bon mairoun te UEA te maiu!

I-Ebeto 2:8

B'a kam kamaiuaki n te akoi i bukin te onimaki; ao tiaki mai roumi ae reke iai aei, ma bon ana b'ai n tituaraoi te Atua;

I-Korote 1:11

ngkai kam kakorakoraki n te kakorakora ni kabanea, are nako mani m'aakana ae kamimii, b'a e aonga n reke i roumi te nanom'aka ni kabanea ma te taotaonaki n nano ma te kim'areirei;

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.