Taian Areru 37:3 - Te B'aib'ara

³ Onimakina te UEA, ao karaoa ae raoiroi; Ko na maeka ma te rau raoi i aon te aba.

Taian Areru 37:3 ပူးပေါင်းရင်းမြစ်များ

Karikani B'aai 26:2

Ao E a tia ni kaoti te UEA nakon Itaaka ma n taku, “Ko na aki nako Aikubita; tiiku n te aba aei n aron are I tuangko b'a ko na tiku iai.

Karikani B'aai 26:3

Maeka ikai, ao N na memena iroum ma ni kakab'aiako. N na anganiko te aba aei ni kabutaa, ao nakoia naba am kariki. N na bon kakoroa bukin te berita are I karaoia ngkoa ma tamam are Aberaam.

1.Uea 19:6

Ao e taratara nako Eria, ao e noora te tiaeki n ran i etan atuuna, ao tabeua taiani kariki. E karaua n tekateka, ao e a am'arake mani mooi, ao e a manga wene naba matu i mwiin am'arakena ma mooina.

Taian Areru 26:1

Te UEA, Ko na kaeta taekau, B'a I karaoa ae eti, ao I onimakiniko ni koaua.

Taian Areru 33:19

E kawakinia man te mate; Ao E kamaiuia n tain te rongo.

Taian Areru 4:5

Kam na kareani karea ni koaua, ao kam na onimakina te UEA.

Taian Areru 62:8

Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Taeka n Rabakau 3:5

Ko na onimakina te UEA ma nanom ni kabane ao tai onimakina ana babaaire nanom.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Ruka 22:35

Ao E taku nako ia, “Ngke I kanakoingkami ma akea ami b'auti ni m'ane ao akea nen ami b'ai ma ami kauniwae, iai te b'ai ae kam kainanoia ae e aki reke i roumi?” Ao ngaiia, a kangai, Akea.

Te Tua-Kaua 30:20

Kam na riai ni kabanei nanomi n onimakina te UEA ae Atuami, tangiria, ao karaoi b'aai ni kabane akana E tuangkami. Bon ti te UEA ae kona n anga te maiu, ao E na kaananaui maiumi n te aba are E berita iai nakoia aia bakatibu ake Aberaam, Itaaka, ao Iakob'a.

1.Tamuera 26:19

Te uea ae ko karineaki, ongora nakon te b'ai ae N na taekinna. Ngkana bon te UEA ae e karaoiko b'a ko na eekainako, ao e na konaa ni bitaki nanona n te angakarea nakoina; ma ngkana arona b'a bon mairouia aomata ae e riki iai aei, ao ke a b'akariia ana kamaraia te UEA. B'a a tia ni kanakoai man aban te UEA nakon te aba ae e ti tataromauriaki iai antiia ianena.