Taian Areru 37:28 - Te B'aib'ara

²⁸ E tangira te kaetitaeka ae eti te UEA, ao E aki kitaniia ana Aomata aika kakaonimaki: E kakawakiniia n aki toki, ma a na kakioaki nako aia kariki aomata aika buakaka.

Taian Areru 37:28 ပူးပေါင်းရင်းမြစ်များ

Iobi 18:19

Akea ana kariki, ao akea naba te nikira ni maiu i rouia kaain te auti are e mamaeka iai.

Iobi 27:14

E ngae ngkana tao a karikiia natiia m'aane aika m'aiti, ma a na bane ni mate n te bo ni buaka; e na aki tau reken te am'arake ae a na kanna natiia.

Taian Areru 11:7

E kaakaraoa ae e raoiroi te UEA, ao E tangira karaoan te motikitaeka ae eti A na noora matana akana karaoi m'akuri akanne.

Taian Areru 21:10

Akea temanna irouia aia kariki ae na maiu; E na bane ni kamateia te uea.

Taian Areru 37:25

I a kara ngkai; I a tia ni maiu n te tai ae ananau, Ma I tuai n nora te aomata ae e raoiroi ni kitanaki iroun te UEA, Ke n noriia natina b'a a bubuti kanaia.

Taian Areru 37:40

E buokiia ao E kamaiuia; E kamaiuia mairouia akana buakaka, b'a kioina ngkai a karabaia i rouna.

Taian Areru 99:4

Te Uea ae Ko korakora, Ko tangira te eti b'a e na karaoaki; Ko a tia ni kawenei am Babaire i bukini karaoan te kaetitaeka ae e raoiroi i buakoia Iteraera;

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Taeka n Rabakau 2:22

Ngkana ko karaoa ae e bure ao ko na bon aki manga konaa ni kakoauaaki, ko na bon kouwakaaeaki.

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 59:21

E taku te UEA: “Au Aomata, I berita b'a N na anga Tamneiu ma au taeka. E na riki aei b'a au b'aintangira nakoimi ma ami utu n aki toki. Bon aei au taeka Ngai ae te UEA.”

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Ieremia 9:24

Ngkana kam tangiria ni kamoamoaingkami, ao kam iango raoi riki ngkana kam kamoamoaa taromauriakiu, Ngai ae te UEA. Te b'ai ae I tangiria riki bon kaotan te akoi te motikitaeka ae eti, ao te nanoanga nako ia aomata ni kabane n te aonnaba.

Ioane 15:9

I tangiringkami n ai aron Tamau ngkae E tangirai; kam na teimatoa n nim ma Ngai b'a e aonga n aki bua tangirami irou.

Ioane 5:24

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

1.Ioane 2:19

Kairiribai aikai a nako mai buakora, ma bon tiaki raora; b'a ngke arona b'a raora, ao a na bon tiku i roura. Ma a nako mai buakora, b'a a na kaotaki b'a tiaki raora ngaiia ni kabaneia.

Iuta 1:1

Mairoun Iuta, ae ana toro Iesu Kristo, ae tarin Iakobo, nakoia akana weteaki, akana tangiraki iroun te Atua ae te Tama, akana kawakinaki i bukin Iesu Kristo: