Taian Areru 37:21 - Te B'aib'ara

²¹ E tatangob'ai te aomata ae buakaka, ao e aki kakaoki; ma e tituaraoi te aomata ae e raoiroi, ao akea tokin ana angaanga.

Taian Areru 37:21 ပူးပေါင်းရင်းမြစ်များ

Taian Areru 112:5

E a kab'aia te aomata ae tituaraoi ae kariaia aomata b'a a na tangoi ana b'ai, ao e aki b'aina te babakanikawai.

Taian Areru 112:9

E tituaraoi n anganga nakoia aika a kai nanoia, Ao akea tokin ana ataataiaomata; e na rikirake ni kamoamoaki n arona ma ni karineaki irouia aomata.

Taeka n Rabakau 22:7

A tautaekanaki aika a kainano irouia aika a kaub'ai, bon taian toro irouia taan kataarau, aomata aika taan tangob'ai.

Itaia 32:8

Ma aomata aika a i buobuoki a konaa n onimakinaki n taai nako i bukin karaoan babaaire ni buobuoki.

Ruka 6:30

Aanga nakon ane butiiko; ao tai tangiri am b'ai b'a a na kaokaki mairoun ane kani uoti nako.

M'akuri 11:29

A reke nanoia taan onimaki i Antioka b'a a na kanakoa aia buoka n aron are e kona n reke iroun temanna ma temanna, nakoia taari ake a maeka i Iutaia.

M'akuri 20:35

I a tia ni kaotia nakoimi n aaro nako b'a ti riai ni buokiia aika mamara n te aro aei, ae te bekutata, n aki m'aninga ana taeka te UEA are Iesu, are kaangai, “E kakab'aia riki te anga nakon te anganaki.”

2.I-Korinto 8:9

B'a kam ata ana akoi ara UEA are Iesu Kristo, b'a ngke E kaub'ai, ao E riki n aki kaub'ai i bukimi, b'a kam aonga ni kaub'ai n ana aki kaub'ai.

Te Tua-Kaua 28:12

E na kauka ana Autinib'ai te UEA are i karawa ike E kakaawakina iai te karau, ao E na kab'aka te karau i aon te aba n taai aika riai. E na kanakoraoi b'aai ni kabane aika kam karaoi. A na rangi ni m'aiti ami m'ane are kam na kataarauia iai botannaomata tabeua, ma kam na aki kainanoa te taarau.

Ebera 13:16

Ao kam na tai m'aninga te kakaraoa ae raoiroi ma te i buokanib'ai; b'a aikai karea aika E kukurei iai te Atua.

Ebera 6:10

B'a E aki ribuaka te Atua ni m'anuoki taekan ami m'akuri ake kam karaoi i bukina, ma ami tangira are kam kaotia i bukina, ngke kam a tia n anga ami buobuoki, ao ae kam bon teimatoa naba iai i bukiia ake a itiaki.