Taian Areru 37:14 - Te B'aib'ara

¹⁴ A buuti aia kabaang aomata akana buakaka, ao a tauraoi ni kanakoi kanoan aia kainikatebe, b'a a na kamateia akana akea aia b'ai ma akana a kai nanoia; Ao a na tiringiia akana raraoi aroia

Taian Areru 37:14 ပူးပေါင်းရင်းမြစ်များ

Etita 5:14

Ao a kaeka buuna ma raoraona ma n taku, E aera ngkai ko aki karaoa te kainikabaeroroa ae uabwi ma uoua te miita ab'akina? Ao nakon te ingabong ko butia te uea b'a e na anganiko Moretekai, b'a ko na kabaea roroana, ao i mwiina, ko a nako nakon te baka n am'arake ma te kukurei.

Taian Areru 11:2

b'a nooria, a kareenai aia kainikatebe aomata ake a buakaka b'a ana katebeia aomata aika raoiroi.

Taian Areru 35:10

N na taetae ma nanou ni koaua ni kaangai, “Akea n ai arom: b'a Ko kawakinia akana mamara mairouia akana korakora, ao akana akea aia b'ai mairouia akana b'ainikirina te aba.”

Taeka n Rabakau 29:10

E riiribaia aomata aika a raoiroi aika a maiuakina te eti te tia tiritiri.

Taeka n Rabakau 29:27

A kairiribai i marenaia aomata aika a raoiroi ma aomata aika taani bure.

Ab'akuka 1:13

Ko aki kona n taraa te bure ma te buakaka. Ma ngaia are, tai tekateka ni kabuingoingo ngkai a kamaunaia aomata aika a raraoi riki nakoia.

M'akuri 12:11

Ngke e a oki ana iango Betero, ao e taku, “I a ataia ngkai b'a E kanakomaia ana anera te UEA, ao E kamaiuai mai nanoni bain Erote, ao mani b'aai ni kabane ake a kaantaningai I-Iutaia b'a a na karaoi.”

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

M'akuri 7:52

Antai i buakoia burabeti ae aki b'ainikirinaki irouia ami bakatibu? Boni ngaiia ake a tiringiia uake a kaman tataekina rokon Teuare Raoiroi, are Ngaia are kam a tia ngkai ni kam'anea ao kam tiringnga.

1.Ioane 3:12

ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.

1.Tamuera 24:11

Taraia tamau, noora rabin am kunnikai aei ae I taua aei! I a tia ni konaa n tiringko, ma I aki b'a I ti korea kunnikaim aei. E na teretere iroum ngkanne b'a bon akea au iango ni kakaaitarako ke ni kan tiringko. Ko kakaaeai b'a ko na tiringai, e ngae ngke bon akea te b'ai ae I a tia ni karaoia ae e buakaka.

1.Tamuera 24:17

Ao i mwiina, e taku nakon Tawita, “Ko bon eti, ao I bure. Ko a tia ni karaoa ae e rangi n raoiroi nako iu, ao ngai I bon karaoa ae buakaka nako im.