Taian Areru 36:9 - Te B'aib'ara

⁹ Mai Roum koburaken te maiu; ao ti nora te oota i bukin ootam.

Taian Areru 36:9 ပူးပေါင်းရင်းမြစ်များ

Iobi 29:3

Ngke e kakab'aiaai iai te Atua ni kaota Ana taura i aoni kawaiu. E kairirai Ana taura i buakon te roo.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 65:5

Ko anganira te tokanikai b'a kaekakira iroum, Ao Ko karaoi baika kamimii b'a ti aonga ni kamaiuaki iai. A bane ni mwioko iroum aomata nako i aon te aba ma ake a maeka i kiraroa ni katokini marawa.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Itaia 12:3

E na reke iroumi te ran ma te kukurei ae moan te bati mani m'aneaban te tokanikai.

Itaia 2:5

Kaain Iteraera, ti na maiu n ootan te UEA.

Itaia 60:19

Kam na aki kainanoa ootan taai ke nam'akaina. N na riki Ngai ae te UEA ae Atuami b'a ami oota n aki toki ao te tia karekea te karineaki.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 8:12

E a manga taetae Iesu nakoia aomata, ao E taku, “Ngai te oota nakoia aomata i aonnaba. Ane irai, ao e na bon aki nakonako n te roo, ma e na reke i rouna te oota are na anganna te maiu.”

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.