Taian Areru 36:6 - Te B'aib'ara

⁶ Ai aron te maunga ae te kabanea n rietaata am Raoiroi; Ai aron nanoni marawa ae nano am Kaeti-taeka. A mena aomata ma maan i aan am Tararua.

Taian Areru 36:6 ပူးပေါင်းရင်းမြစ်များ

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

Neemia 9:6

Bon ti ngkoe te UEA, te Tia karaoa karawa ao taiani itoi ni kabane, te Tia karaoa te aonnaba ao ake a maeka i aona, te Tia karaoa marawa ao b'aai ake a maiu iai. Boni ngkoe boton te maiu, ae e neboaki irouia taian itoi aika a kaoni taiani karawa.

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Iobi 7:20

Ko rootaki n au bure? E aera ngkai Ko karikai b'a Am taakete? I a riki b'a te b'ai ni karawawata ae korakora nako Im?

Taian Areru 145:9

E raoiroi te UEA ao E nanoanga nakoia aomata ma b'aai ni kabane aika E kariki.

Taian Areru 147:9

E angania maan kanaia ao E kaam'arakeia buniia kunei ngkana a tangi ni baki.

Taian Areru 31:20

Boni neia ni karabaia Ngkoe man aia m'akuri ni kakam'arua aomata; Ko karabaia n te tabo ae a mano raoi iai man taian taetae n iowawa.

Taian Areru 71:19

Te Atua, e roota karawa am Raoiroi. Ko a tia ni karaoi m'akuri aika ab'ab'aki; Akea temanna ae ai arom.

Taian Areru 77:19

Ko nakonako ri buakon naao; Ko ri nuukani kabini marawa, Ao a aki noraki m'anekam.

Taian Areru 92:5

Te UEA, ai kamakuraa am M'akuri! ao ai nanora am Iango nako!

Taian Areru 97:2

E otab'aniniaki rarikina n taian nang ma te roo; E tautaeka n te raoiroi ma te eti.

Te Otinako 9:28

Tataro nakon ami UEA! Ani katoka te baa ma te karau te aiti aei! I berita b'a N na kanakoingkami; kam na aki manga tiku riki ikai.”

Itaia 40:28

Kam tuai ataia? Kam tuai naba ongo? Bon akea tokin te UEA, Te tia karaoa te aonnaba. E bon aki konaa ni kainano ke ni kua; bon akea tian wanawanana.

Itaia 45:19

E aki taetae te UEA n taabo aika a roo aika a raba ke n tangiria kanoan Iakob'a b'a a na kua ni kakaaea. E na taekina te koaua te UEA ao aei te b'ai ae e taekinna

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

B'aeb'aeti 3:23

E boou n te moaningabong koraki, n ai aron kakaonimakin otin taai.

Iona 4:11

Tiaki e riai b'a N na nanoangaea riki Ninewe are te kaawa ae e rangi ni buubura arei, are a maeka iai aomata aika a m'aiti riki ae nakon 120,000 aika ataei aika akea aia bure, ao a m'aiti naba maan iai!”

I-Rom 11:33

Ai batiraa kaub'ain te Atua, ao ai nanora rabakauna ma ana atatai! Ai kangaanga ra ataakin ana moti, ao ai kangaanga ra kuneakin arona!

I-Rom 3:25

are E anga b'a E aonga n riki, ni matena, b'a te kawai are a na kab'araki iai aia bure aomata nako, n onimakinana. E karaoa aei te Atua b'a E na kaota iai arona n reitaki ae e raoiroi ma aomata. N taai ake a b'akanako, ao E a tia n taotaona nanona n aki mutiakini buure;

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Tua-Kaua 7:9

Kam bon ataia b'a bon ti te Atua ni koaua te UEA ae Atuami. Ma ngaia are, kam na tangiria, ao ongotaeka nakon ana Tua, ao ane na kakaonimaki ni karaoa nanon ana Boraraoi ma ngkami ma kanoami i nanon tengaa te roro

1.Timoteo 4:10

B'a ti kakorakoraira ni m'akuri ao ti kekeiaki m'aaka i bukina ngkai ti onimakina te Atua ae maiu, ae aia Tia Kamaiu aomata ni kabaneia, ai moara riki te koraki aika onimaki.

1.Tamuera 14:15

Ao a bane kaain ana taanga ni buaka Biritia n tiaoki--n reitaki ma ake n te maeka, ma ake uatei, ma ake n taiani katawanang, ao ake taan kurib'ai. A bane ni maaku ma n aki reke aia iango. Ao E kanakoa te m'aeiei te Atua, ao e ruru aontano.