Taian Areru 36:4 - Te B'aib'ara

⁴ E karioi iango aika bubuaka ngkana e wene ni nena ni wene; Akea te bae e karaoia ae na raoiroi, Ao e aki kona n riba te b'ai ae buakaka.

Taian Areru 36:4 ပူးပေါင်းရင်းမြစ်များ

Etita 5:14

Ao a kaeka buuna ma raoraona ma n taku, E aera ngkai ko aki karaoa te kainikabaeroroa ae uabwi ma uoua te miita ab'akina? Ao nakon te ingabong ko butia te uea b'a e na anganiko Moretekai, b'a ko na kabaea roroana, ao i mwiina, ko a nako nakon te baka n am'arake ma te kukurei.

Etita 6:4

Ao n te tai aei, ao e a tia n rin Aaman b'a e na butia te uea b'a e na kabaeaki roroan Moretekai i aon te kainikabaeroroa are e a tauraoi.

Iobi 15:16

ao e nang kanga riki n onimakinaki te aomata ngkai bon te b'ai ae buakaka, ae akiako, ae e taka i bukin te buakaka.

Taian Areru 38:12

A kawene b'aai ni kam'am'ane aomata ake a kani kamateai b'a a na kam'aneai iai; Ao a iaiangoa aroni kam'aruaau ni kabongnga aomata akana kani kaikoakai.

Taian Areru 52:3

Ko tangira riki te buakaka nakon te raoiroi, Ao te kewe nakon te koaua.

Taian Areru 97:10

B'a E tangiria akana riba te buakaka te UEA; E kawakini maiuia ana botannaomata; E kamaiuia mai nanoni baiia akana buakaka.

Taeka n Rabakau 24:2

Akea riki te b'ai ae a na iangoia ma n taekinna b'a ti te tiritiri ao te iowawa.

Taeka n Rabakau 24:23

Aikai riki tabeua taian taeka n rabakau aika a kawanawanaa te aba: Ko na karaoa ae e riai ngkana ko motikitaeka.

Taeka n Rabakau 4:16

A bon aki mamatu ke ni motirawa ni karokoa a tia ni karaoa te kaairua ke ni kamarakiia tabeman aika akea aia bure.

Itaia 65:2

I kabongnga ni kawaria aika a bonotaninga ao aika a taani bure aika a touanako kawaia.

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Ieremia 8:6

I rangi ni kakauongo raoi, ma bon akea temanna ae e roko n te namakinna b'a e a tia ni karaoa ae e bure. Ao kam ira nako te kawai ae e kaairua n aki karaua n iangoia raoi kaanga taanga ni buaka ake a toka i aoia aoti aika a biri nakon te buaka.

Amota 5:15

E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.

Mika 2:1

Ai rekera kaiia aomata ake a aki matuuakin aia iango aika a buakaka, ma ni iangoi waekoan koron bukiia nakon te ingabong. Ni bon te tai are e reke iai aia tai, ao a karaoa naba te buakaka are e a iangoia.

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Mataio 27:1

Ngke e a tib'a ingabong, ao ibonga ake mataniwi ma aia unimm'aane aomata a iangoa aron Iesu b'a a na kamatea.

M'akuri 23:12

Ngke e a ngaina, ao a karekea aia iango ni kam'arua I-Iutaia tem'angina: a taetae ni bau b'a a na aki am'arake ma ni moi ni karokoa ae a tia ni kamatea B'auro.

I-Rom 1:32

A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

I-Rom 12:9

Tai m'am'anaa te aba n ami tangira. Ribaa te buakaka, ao nim ma te raoiroi.

Te Kaotioti 2:2

I atai aroarom ni kabane, ma arom n rangi ni m'akuri korakora, ma nanom'aakam, ma arom n aki kona n taona nanom nakoia akana buakaka; ao ko a tia ni kataia akana taku b'a taan tuatua ngaiia ngke bon tiaki, ao ko kuneia b'a bon taani kewekewe.

1.Tamuera 19:11

N te tairiki naba arei ao e kanakoia rorobuaka tabeman Tauro b'a a na tarataraa ana auti Tawita ao n tiringnga n te moaningabong. Ao e kauringa Tawita Nei Mikara ao e kaangai, “Ngkana ko aki biri nako n tairiki, ao ko na tiringaki nakon te moaningabong!”