Taian Areru 35:13 - Te B'aib'ara

¹³ Ma ngke a aoraki, ao I kaota ae I rangi n nanokawaki; I kataua te aki mamatam; Ao I tataro ma te nanokawaki ae bati i bukiia,

Taian Areru 35:13 ပူးပေါင်းရင်းမြစ်များ

Iobi 30:25

E koaua b'a I aki tanginiwenei ma aomata n aia kangaanga, ao I aki nanoangaia naba aika kainano?

Taian Areru 69:12

A tataekinai i nanoni kawain te kaawa, Ao a karioaki anene aika iai taekau iai irouia taani moi manging.

Itaia 58:3

Kam mimi b'a e aera te UEA ngkai e aki kan tabe ngkana kam aki am'am'arake ma ara nanorinano. Ma ni bon te bong naba akanne, ngke kam a katoka ami aki am'aam'arake, kam bon ti iangoingkami i bon iroumi ma ni kabuakakaia ami taani m'akuri.

Itaia 58:5

Tao kam taku b'a e tangiringkami te UEA b'a kam na toki man ami aki am'am'arake ma ami nanorinano are kaanga te buakoako n aroka ae e raranako? Ke Tao ni karina te kunnikai ae e mangaingai ma n tekateka i aon taiani mannang? Bon aei te b'ai ae e tangiria n te bong n taromauri?

Nakoaia Ibonga 16:29

Ni katebwinan bongin te kaitiua n nam'akaina: kam na aki am'aam'arake ni kaota nanokawakimi i bukin ami bure, bon akea temanna, n reitaki naba ma Ianena akana a maeka i buakomi, ao akea naba temanna ae kariaiakaki ni m'akuri.

Nakoaia Ibonga 16:31

ao man te tai aei, e na bukamaruaki ni katoa ririki. Kam na aki am'aam'arake ma ni karika te bong aei b'a te bong ni motirawa n aron te Taabati.

Mataio 10:13

Ao ngkana a butim'aingkami, ao tataro nakon te Atua b'a E na kakab'aiaia; ma ngkana a aki butim'aingkami, ao butiia te Atua b'a E na aki m'annanoa ami tataro are kam bubuti iai b'a a na kakab'aiaki.

Mataio 5:44

Ma Ngai I taku nako imi, Kam na tangiriia ami kairiribai, ao tataro i bukiia akana b'ainikiriningkami,

Ruka 10:6

Ngkana iai ae e tauraoi ni butim'aea te rau ikanne, ao e na tiku i aona ami rau; ma ngkana akea, ao e na manga okiringkami ami rau.