Taian Areru 35:10 - Te B'aib'ara

¹⁰ N na taetae ma nanou ni koaua ni kaangai, “Akea n ai arom: b'a Ko kawakinia akana mamara mairouia akana korakora, ao akana akea aia b'ai mairouia akana b'ainikirina te aba.”

Taian Areru 35:10 ပူးပေါင်းရင်းမြစ်များ

2.Tamuera 22:18

Ko kamaiuai mairouia au kairiribai nako ake a rangi n riribaai ao a I aki konai moaia.

Taian Areru 10:14

Ko taratara; ao Ko noori kabuanib'ai ma kaangaanga nako ao Ko tauraoi ni buobuoki n taai nako. E mwioko iroum ane kananoanga; b'a Ko buobuoka ane akea tamana.

Taian Areru 102:3

E tabe ni mauna maiu kanga ai aroni bubun te ai; Ao e kabuebue rab'atau kanga ai aron ae I mena n te tabo ni kanaiai.

Taian Areru 103:6

A raraoi ana motikitaeka te UEA nakoia akana karawaawataaki ni kabaneia, Ao E buokiia ni katei raoi aroia.

Taian Areru 109:31

Ko buokiia aika kai nanoia, ao ko kamaiua mairouia akana motika taekana b'a e na kamateaki.

Taian Areru 140:12

Ara UEA, I ataiko b'a Ko ko tei i bukiia aika akea mwengaia ao ko taraa te motiraoi nakoia aika a maiu ni kainano.

Taian Areru 140:13

A na neboiko am aomata ao ana maeka ma ngkoe i bukina b'a a karaoa ae e raoiroi.

Taian Areru 146:7

E kaeti raoi taekaia akana karawaawataaki, ao E anganganiia akana baki kanaia. E kainaomataia akana kabureaki te UEA

Taian Areru 18:17

E kamaiuai mairouia aiau aika korakora, Ao mairouia akana riribaai b'a a rangi ni korakora riki nako iu.

Taian Areru 22:14

Akea korakorau, e a nako b'a kanga ai aron te ran ae kab'aroaki. Ao a bane riu n tibanako man tomaia; ao nanou ai aron te nenea ae riki n ran.

Taian Areru 22:24

E aki ribaia ke ni kaaki taekaia akana kananoanga n aia tai n rawaawata; E aki tan nako mai rouia, ma E ongo irouia ngkana a tangira buokaia mai Rouna.

Taian Areru 32:3

Ngke I aki kaoti au bure, Ao e mamara rab'atau i bukin tangu ni korakai ni kabongnga.

Taian Areru 34:20

E tararuaia raoi te UEA, ao akea naba teutana ikoakina.

Taian Areru 34:6

E weteia te aomata ae kainano, Ao E ongo i rouna; E kamaiua man rawawatana ni bane.

Taian Areru 37:14

A buuti aia kabaang aomata akana buakaka, ao a tauraoi ni kanakoi kanoan aia kainikatebe, b'a a na kamateia akana akea aia b'ai ma akana a kai nanoia; Ao a na tiringiia akana raraoi aroia

Taian Areru 38:3

I korakai ni maraki i bukin unim; E aoraki rab'atau i bukin au bure.

Taian Areru 51:10

Te Atua, karika nanou ae itiaki, ao kabooua Tamneim ae kakaonimaki i nanou.

Taian Areru 51:8

Kaongoraeai ni b'anaan te kim'areirei ma te kukurei; e ngae ngke Ko karawawataai, Ma N na boni manga kim'areirei.

Taian Areru 69:33

E ongo te UEA irouia akana kai nanoia, Ao E aki m'anuokin taekaia ana aomata akana taenikai.

Taian Areru 71:19

Te Atua, e roota karawa am Raoiroi. Ko a tia ni karaoi m'akuri aika ab'ab'aki; Akea temanna ae ai arom.

Taian Areru 86:8

Te UEA, akea te atua temanna ae ai arom, Ao akea i buakoia ae e a tia ni karaoa are Ko a tia ni karaoia.

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Itaia 40:18

Antai ae e na kabootauaki ma te Atua? iai te b'ai ae ai arona?

Itaia 40:25

E titiraki te Atua ae tabu, “Antai ae e kabootaua ma Ngai? Bon iai ae e boraoi ma Ngai?”

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Ieremia 20:13

I anenea te nebonebo nako im te UEA. Ko kamaiuia aika a karawaawataaki mairouia aika a buakaka.