Taian Areru 34:4 - Te B'aib'ara

⁴ I tataro nakon te UEA, ao E ongo irou: E kamaiuai mani b'aai ni kabane aika I maaku iai.

Taian Areru 34:4 ပူးပေါင်းရင်းမြစ်များ

2.Rongorongo 15:2

Ao e nako Ataria n te tai ae e waekoa ni kawara Ata ao e taku: Ko na ongora irou, ngkoe te uea ae Ata ao ngkami aika kaain Iuta ao Beniamin. E na memena te UEA iroumi ma ni buokingkami, ngkana kam teimatoa n ongotaeka ma n taataromauriia. Ma ngkana kam aki ongotaeka i rouna, ao e na bon kiitaningkami.

Taian Areru 18:6

Ngke e kai nanou, ao I wetea te UEA, ae Atuau b'a E na buokai. E ongo b'anaau man ana tembora, ao E ongora n tangu.

Taian Areru 22:24

E aki ribaia ke ni kaaki taekaia akana kananoanga n aia tai n rawaawata; E aki tan nako mai rouia, ma E ongo irouia ngkana a tangira buokaia mai Rouna.

Taian Areru 31:22

I maaku, ao I taku b'a I a tia ni kararoaki nako mai Rouna. Ma E ongo au bubuti, Ngke I weteia b'a E na buokai.

Taian Areru 35:27

A na takaakaa ni kakatonga akana tangira kaetan taekau, Ao a na kaokioka atongan ae kaangai, “Ai kakannato ra te UEA! E kukurei nanona n ana tokanikai ana toro”

Taian Areru 40:17

Ao ngai, I a kaawa, ao e kai nanou; Ma E ururingai te UEA: Bon te tia buobuokai ao au tia kamaiu Ngkoe, Atuau! Bareiko ni buokai.

Taian Areru 46:2

Ma ngaia ae ti na aki maaku, e ngae ngkana e m'aeiei aon te aba, ao a b'aka maunga i nanoni marawa;

Taian Areru 56:3

Ngkana I maaku, Atuau, ao N na onimakiniko.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Iona 2:2

“I weteiko te UEA mai buakon rawaawatau, ao ko kaekaai. mai kabin te aonnaba i nanon abaia maate, I tangira buokau ao Ko ongo irou.

Mataio 7:7

Bubuti, ao ane kam na anganaki; ukeuke, ao ane kam na karereke; karebwerebwe, ao ane e na kaukaki nako imi.

Ruka 11:9

Ao I taku nako imi, Bubuti, ao ane kam na anganaki; ukeuke, ao ane kam na karekea; karebwerebwe, ao ane na kaukaki nako imi.

2.Timoteo 1:7

B'a E aki anganira te Atua te Tamnei ae karikira b'a ti na mamaku; ma E anganira te Tamnei ae kaoniira n te korakora, te tangira, ma te kona n taon nanora nakoni baika e tangiri te rab'ata.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.

1.Tamuera 27:1

E taku Tawita i bon i rouna, “E na bae n tiringai Tauro i nanoni boong aikai. E raoiroi riki irou ngkana I biri nako Biritia. Ane e na kakaaeai Tauro i aon Iteraera ao N na bon maiu iai mai rouna.”