Taian Areru 34:3 - Te B'aib'ara

³ Kam na neboa te UEA ma ngai, Ao ti na bane ni karietata arana.

Taian Areru 34:3 ပူးပေါင်းရင်းမြစ်များ

1.Rongorongo 16:10

Kakatonga ao taromauria arana ae e tabu ma nanom ni kabanea.

1.Rongorongo 29:20

Ao e a manga taku Tawita nako ia aomata, “Ami tai ngkanne n neboa te UEA, are te Atua are a tataromauria ami bakatibu!” Ma ngaia are, a bane aomata n neboa te UEA, ao a bobaraaki ni karinea ma aia uea are Tawita.

2.Rongorongo 29:30

Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

Taian Areru 35:27

A na takaakaa ni kakatonga akana tangira kaetan taekau, Ao a na kaokioka atongan ae kaangai, “Ai kakannato ra te UEA! E kukurei nanona n ana tokanikai ana toro”

Taian Areru 40:16

A na bane ni kakatonga ma ni kukurei akana nakoim. A na aki toki akana kainanoa am Kamaiu ni kaangai, E na neboaki te UEA!

Taian Areru 66:8

Botannaomata, kam na karaoiroa Atuara; Ke e ongo te aba ni b'anaami n nebonebo.

Taian Areru 69:30

N na anene ni kamoamoa te Atua; N na neboia ma te nano ni katituaraoi.

Taian Areru 69:33

E ongo te UEA irouia akana kai nanoia, Ao E aki m'anuokin taekaia ana aomata akana taenikai.

Ieremia 9:23

E taku te UEA: Kam na aki kamoamoa i bukin wanawanami ke korakorami ke kaub'aimi.

Ieremia 9:24

Ngkana kam tangiria ni kamoamoaingkami, ao kam iango raoi riki ngkana kam kamoamoaa taromauriakiu, Ngai ae te UEA. Te b'ai ae I tangiria riki bon kaotan te akoi te motikitaeka ae eti, ao te nanoanga nako ia aomata ni kabane n te aonnaba.

Ruka 1:46

Ao E taku Nei Maria, N na neboa te Atua n nanou ni koaua,

M'akuri 19:17

E a ataaki te baei irouia I-Iutaia ma I-Erene ni kabaneia ake a maeka i Ebeto, ao a rangi ni maku; ao e neboaki aran te UEA are Iesu.

I-Biribi 1:20

n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

Te Kaotioti 14:7

Ao e kaangai n te b'anaa ae korakora, “Kam na maka te Atua, ao kam na anganna te neboaki. B'a e a roko te aoa are E na motiki taeka iai. Kam na taromauria Teuare karaoa karawa ma aonnaba ma marawa ma koburaken raan.”