Taian Areru 33:4 - Te B'aib'ara

⁴ A koaua ana taeka te UEA, ao a onimakinaki ana m'akuri ni kabane.

Taian Areru 33:4 ပူးပေါင်းရင်းမြစ်များ

Karikani B'aai 24:27

Ao e taku, “E na neboaki te UEA, ae Atuan au toka are Aberaam, ae bon kakaonimaki ni kakoroa bukin ana Berita ma au toka. E a tia ni kairai raoi te UEA nakoia ana koraki au toka.”

Taian Areru 119:128

Ma ngaia ae I tou mwin am Taeka ni kabane, Ao I ribaai aaro ni kabane akana kairua.

Taian Areru 119:75

Te UEA, a eti am Moti; ao Ko aki kairua ngke Ko karawawataai.

Taian Areru 12:6

Ana taeka te UEA bon taeka aika a kakoauaaki; ai aron te tirewa are kaburoburoaki itiua te tai m'aitina i nanon te nne ni kanaiai.

Taian Areru 19:8

A koaua ana taeka n reirei te UEA, Ao a kab'aia ake a iri nanoia. E aki bangaomata ana taeka n reirei te UEA, Ao e karekea te atatai nakoia aomata.

Taian Areru 25:10

N ana kakaonimaki ma ana tangira E kaiririia ake a kawakina ana boraraoi ma akana ongeaba nakon ana tua.

Taian Areru 96:13

Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.

Taeka n Rabakau 30:5

A bane ni koaua b'aai ni kabane aika e taekin te Atua ao bon te otanga i bukiia aomata nako aika a roko nakoina i bukin kamanoaia.

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Mika 2:7

Ko taku n am iango b'a e a roko te maraia i aon Iteraera? E a aki taotaona nanona te UEA? E nang kareke kaira? E a aikoa taetae raoi nakoia aika a kakaraoa ae e raoiroi?”

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

I-Rom 7:12

Ma ngaia ae e tabu te Tua, ao e tabu naba ana taeka te Atua are iai, ao e eti ma n raoiroi.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,