Taian Areru 33:2 - Te B'aib'ara

² Katituaraoa te UEA n tangin aabi; Anene nakoina ma b'ai ni katangitang aika iai karaia.

Taian Areru 33:2 ပူးပေါင်းရင်းမြစ်များ

2.Tamuera 6:5

Ao iai tabeman Iteraera aika a katangitang n taian aabi aika uarereke ao b'aai ni katangitang ake tabeua ake iai karaiia, ao te raea, te timbere, katineti, ao te timbara. Ao a kukurei Tawita ma te koraki ake tekorakina, ao a taua ma nanoia n ruoia nakon te UEA.

1.Rongorongo 15:16

Ao i mwiina, e tuangiia taani kairiiri Tawita b'a a na rineia kanoan Rewi tabeman b'a a na anene ma ni katangitang n taian aabi aika a uarereke, ao b'aai n katangitang riki tabeua, ao taian timbara.

1.Rongorongo 15:28

Ngke e tabe ni uotaki te Atiniberita nako Ierutarem, ao a bane aomata ni bukamaruia n takaarua ao ni katangi b'aini katangitang aika taiani konete, buu, timbara, aabi, ao b'aai ni katangitang riki tabeua ake taiani karai.

1.Rongorongo 25:3

Natin Ierutun ake m'aane ake onoman bon Ketaria, Teri, Ietiaia, Timei, Atiabia, ao Matitia, a mena i aan ana kairiiri tamaia ao a katangi taian aabi ao a anenei taian nebo nakon te UEA.

1.Rongorongo 25:6

A bane ni mena natina i aan ana kairiiri ao a katangi taian timbara, aabi, ao b'aai ni katangitang ake taiani karai i nanon tain te taromauri n te Tembora. A karekea te babaaire Ataba, Ierutun, ao Eman, ti mairoun te uea.

Taian Areru 144:9

Te Atua, N na anenea te anene ae boou nakoim; N na katanga au b'ai ni katangitang ao N na anene nakoim.

Taian Areru 149:3

Kam na kamoamoa arana n te b'ab'atere; katangi b'aai ni katangitang n neboia iai.

Taian Areru 71:22

Atuau, Ko kakaonimaki nakoia am Aomata; Ma ngaia ae N na anene ma te b'ai ni katangitang n neboiko. N na katang anene n au b'ai ni katangitang nakoim, Ngkoe ae Atuaia Iteraera ae Tabu.

Taian Areru 92:3

Ai raoiroira n aneneaki ma tangin taiani b'ai ni katangitang aika tangi raoi.

Taian Areru 92:4

Te UEA, a kakukureiai am M'akuri aika Ko karaoi; I anene ni kim'areirei i bukini baike Ko a tia ni karaoi.

Te Otinako 15:20

Ao e anaa ana timbere Nei Miriam are m'anen Aaron, ao a bane aine ni iria ni katangtang n te timbere ma ni m'am'aie.

Te Kaotioti 14:2

Ao I ongo te b'anaa mai karawa ae ai aroni karongoaani b'aron naao aika bati, ao ai aron rebwen te baa ae korakora; ao kanga ai aron tangin taian aabi aika katangaki irouia taani katang-aabi;

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.