Taian Areru 33:13 - Te B'aib'ara

¹³ E tara aonnaba te UEA mai karawa, ao E noriia aomata nako.

Taian Areru 33:13 ပူးပေါင်းရင်းမြစ်များ

Karikani B'aai 6:12

Ao E tarataraa te aonnaba te Atua, ao E nooria b'a e a rangi ni buakaka, b'a a bane ni maiuakina te maiu ae buakaka aomata ni kabane.

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Iobi 11:11

E ataia aomata aika akea manenaia te Atua, E noori aia m'akuri ni kabane aika buakaka.

Iobi 28:24

i bukina b'a E noora tabon aonnaba, E noori b'aai ni kabane aika i aani karawa.

Taian Areru 102:19

E baraaki te UEA n taratara mani nena ae tabu i eta; E tara aon te aba mai karawa,

Taian Areru 11:4

E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

Taian Areru 14:2

E tarataraia aomata te UEA mai karawa b'a E kan noria b'a tao iai ae wanawana ae e na ukoukoria ke akea.

Taian Areru 53:2

E baraaki te Atua mai karawa n tarataraia aomata, ni kan noriia b'a antai i buakoia ae wanawana ae ukoukora te Atua.

Taian Areru 66:7

E tautaeka n aki toki ni m'akana, Ao E tatarataraiia botannaomata nako. Ke a tai teirake akana rawa ni kan aantaeka i rouna n ekianako.

Taeka n Rabakau 15:3

E noori b'aai ni kabane te UEA aika a raoiroi ma aika a buakaka.

B'aeb'aeti 3:50

Ni karokoa E na taraira te UEA mai karawa, ao E na norira.

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.