Taian Areru 33:10 - Te B'aib'ara

¹⁰ E uru aia iango botannaomata te UEA ake a tia ni bairei b'a a na karaoi, Ao E tukiia b'a a na aki kakoroi bukiia.

Taian Areru 33:10 ပူးပေါင်းရင်းမြစ်များ

Karikani B'aai 11:8

Ao E kauamaenakoia te Atua ni kabutaa te aonnaba, ao e a toki karaoan aia kaawa ae buubura arei.

2.Tamuera 15:31

Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!” E taku Tawita, “Taiaoka te UEA tai kam'akura ana babaire Aitobera!”

2.Tamuera 15:34

Naako okira te kaawa ao tuanga Abetarom ni kaangai, “Te Uea ae ko karineaki, am tia m'akuri Ngai. N na m'akuri i bukim ngkai, n arou ngkoa naba ngke I m'akuri naba iroun tamam.” Ngkana ko kona ni karaoa anne, ao ko na kona naba ni kamangaoa ana iango nako Aitobera.

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

2.Uea 6:9

E katoa tai Eritai ni kaakanakoa ana kauring nakon uean Iteraera ni kaangai, “Kam na aki ri rarikin te tabo arei. Ane a tia ni katea aia kaemb'a tautian Turia iai.”

Neemia 4:9

Ma ti bon teimatoa n tataro nako Atuara, ao ti kauateiia taan tei n te bong ao te ngaina.

Taian Areru 140:8

Ko na aki katotokanikaia te aomata ae e buakaka ni b'aai nako aika e tangiri, b'a e kaawa n aki tootoki aia m'akuri aika a buakaka.

Taian Areru 21:11

Ngkana a karioi aia babaire aika bubuaka n ekianako, Ao a na aki nako raoi.

Taian Areru 9:15

A b'aka botannaomata ake a aki onimakiniko i nanon kinono ake a ken. A boni manga bae waeia n aia b'ai ni kam'aam'ane.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Itaia 19:3

“E na anaaki ninikorian Aikubita ngkana I kamangaoi aia babaaire nako. Ane a na kataia n titirakiniia aia bouannanti b'a tera ae a riai ni karaoia, ao mairouia tamneia ake a tia ni mate, ao mairouia naba taani kaiwa.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 44:25

I kariki aia kewe burabeti ni kewe ao nanobabaia taani kaiwa. I anaa wanawanan te aomata ao I karikia b'a te b'ai ae akea nanona.

Ieremia 19:7

Bon iai ami babaaire aika a rangi ni korakora ngkami aika kaain Iuta ma Ierutarem, ma N na urui taian babaire akanne i nanon te m'arua aei. N na karaoia ami kairiribai b'a a na tiringkami, ao N na tuangiia taiani mannikiba ao maan aika a aki manana b'a a na kang rab'atami ngkana a mate.

Etekiera 20:32

Tao a taku b'a a konaa ni katotoongia aroia botannaomata ake tekorakina ni waakina aroia i bon irouia n taromauri taiani bouannanti aika a karaoaki n taiani kai ma atiibu. Ma bon anne te b'ai ae e na riki!

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.