Taian Areru 32:8 - Te B'aib'ara

⁸ E kaangai te UEA, N na kaota te kawai ae ko na nako iai; N na riki b'a am Tia Reirei, ao N na tarataraiko.

Taian Areru 32:8 ပူးပေါင်းရင်းမြစ်များ

Karikani B'aai 24:48

Ao I katorobubua n taromauria te UEA, are Atuan au toka are Aberaam, are E a tia ni kairai raoi nakon ana koraki au toka, are I a kunea iai te nati te aine i bukin natina.

2.Tamuera 22:33

Bon au nono Ngkoe ae e korakora, ao ko kainaomataai.

1.Uea 8:36

ao Ko na ongora mani mwengam i karawa mani kab'arai aia bure. Bon am Toro aomatan Iteraera, ma ngaia are, Ko na reireiniia aroia ni maiuakina te maiu ae e eti. Ao taiaoka ni kanakoa te karau i aon te aba are Ko berita iai nakoia n aki toki.

Taian Areru 143:8

Ko na kaururingai ni katoa ingaabong n taekan am Tangira ae Teimatoa, B'a I onimakiniko. I tataro nakoim; kaota te kawai ae N na toua.

Taian Areru 25:12

A na reireiaki iroun te UEA akana ongeaba i rouna, Te kawai ae a riai n toua.

Taian Areru 33:18

Ma te UEA, E tatarataraiia akana karinea, Akana onimakina ana tangira ae teimatoa.

Taian Areru 34:11

Ngkami aika kam reirei irou, kam na nako mai n ongora irou, ao N na reireingkami b'a kam na rabakau ni karinea te UEA.

Taeka n Rabakau 3:1

Natiu, uring au reirei ma au taeka ao iri nanoia ni kabane.

Itaia 48:17

ma taian rongorongo aika: Kaain Iteraera, Bon te UEA ae te Atua ae e tabu Ngai, are e kamaiungkami. bon i bukimi, I reireiningkami, ao I kairingkami i aon te kawai ni koaua.

Itaia 49:10

A na bon aki konaa ni baki ke n taka; a na aki namakina kabuebuen taai ke angin te rereua aika a kabuebue N na bon aki nanoanga ngkana I kairiia i nanon karaangan raan.

Warekaia Iteraera 9:22

Ao ngkana e m'ananga te nang, ao a m'ananga naba Iteraera.

Mataio 11:29

Amoa amou i aomi, ao reirei i Rou: b'a I nimamannei ao I nanorinano, ao e na reke i roumi karauan nanomi ni koaua.