Taian Areru 32:7 - Te B'aib'ara

⁷ Boni nneu ni karabai Ngkoe; Ko na kamaiuai man te kaangaanga. I anene n takaruaea taekan am Kamaiu, I bukina b'a Ko kamanoai.

Taian Areru 32:7 ပူးပေါင်းရင်းမြစ်များ

2.Tamuera 22:1

Ao e anene Tawita nakon te UEA i mwiin kamaiuana mairouia ana kairiribai, ai moara ra riki Tauro. Aikai taekan ana anene:

Taian Areru 119:114

Bon te tia kamanoai Ngkoe ao otangau; E wene au kaantaninga n am Taeka.

Taian Areru 143:9

Te UEA, N na kamanoai iroum; Ko na kamaiuai mairouia aiau.

Taian Areru 18:5

A otab'aniniai kakamakun te mate, ao e katauraoa ana b'ai ni kam'am'ane te mate i m'aiu.

Taian Areru 27:5

E na kawakinai ni kamanoai man te kaangaanga i nanon ana Tembora, ao E katokaai i aon te b'a ae rietaata ae N na maiu iai.

Taian Areru 31:20

Boni neia ni karabaia Ngkoe man aia m'akuri ni kakam'arua aomata; Ko karabaia n te tabo ae a mano raoi iai man taian taetae n iowawa.

Taian Areru 32:10

Ane a na taonaki n te rawaawata aomata akana buakaka; Ma a na kawakinaki raoi akana onimakina te UEA n ana tangira ae teimatoa.

Taian Areru 40:3

E reireiai b'a N na anenea te kuna ae boou, i bukini karaoiroan Atuara. A na nora aio aomata aika bati, ao a na karinea ma n onimakina te UEA.

Taian Areru 5:12

Ara UEA, Ko na kakab'aiaia akana a ongotaeka iroum, a kamanoaki n am Tangira kaanga te otanga.

Taian Areru 9:9

Bon te tabo ni kamaiu te UEA i bukiia akana a karawaawataaki, ao bon te nne ni kamanomano ni bongin te rawaawata.

Taian Areru 91:1

Ane katanna iroun te Atua ae Moan te Rietaata, Ane kamanoa iroun te Atua ae M'aaka,

Taian Areru 98:1

Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

Ieremia 36:26

Ao te uea e tuanga natina te mm'aane are Ierameera b'a e na kaira Teraia ao Teremia ma n nako ni katika B'aruka ma ngai. Ma e karabaira te UEA b'a ti na aki reke irouia.

I-Korote 3:3

B'a kanga ai aron ae kam a tia ni mate, ao a karabaki maiumi ma Kristo i nanon te Atua.

Te Kaotioti 7:10

ao a taetae n te b'anaa ae korakora, ao a kaangai, “Ana b'ai Atuara ae tekateka i aon te kaintokanuea te kamaiu; ao te kamaiu aei bon ana b'ai naba te Tiibuteteei.”

Tani Motiki-taeka 5:1

Ao e a toki te buaka n te bong arei, ao a anenea te anene aei Nei Tebora ma B'araka: