E aera ngkai ko aki ongotaeka irou ao ko karaoa te b'ai ae rangi ni kakamaaku? Ko tiringa Uria are kaain Eta ngke ko anga b'a e na tiringaki irouia kaain Ammon, b'a ko aonga ni konaa n anaa buuna.
Ao ngke e tia Tawita ni wareki m'aitiia aomata nako, ao e a namakinna b'a e bure iai ao e taku nakon te UEA, “Bon te m'akuri ni baba te b'ai ae I a tia ni karaoia ao bon te m'akuri ae e rangi ni kaairua. Te UEA, taiaoka kab'araa au bure.”
E noora te anera Tawita ngke e tiringiia aomata nako ao e taku nakon te UEA, “Bon ti te bo aomata aikai ma tiibu ao Ngai aia tia kaawakintiibu. I a tia ni bure korakora, ao a bon aki bure. Taiaoka, katuaaeai ma au utu ma Ko na aki katuaaia!”
Ao ngkai, kam riai ni kaoti ami bure nakon te UEA ae Atuaia ami bakatibu ao ongotaeka i rouna. Kam na raure ma buumi akana Ianena ao kam na aki manga reitaki ma taian Ianena akana a maeka i rarikimi nako.
Ane a na taetae i mataia aomata ni kaangai, “I a tia ni bure, I a tia ni karaoa te b'ai ae aki raoiroi, ma e aki katuaaeai te Atua ngke I bon riai ni katuaeaki.
E rangi ni kimototo tain unna, ma e tei maan ana akoi i aoni maiun te aomata. A waanako rannimata ni kangainaa, ma e oneaki mwina n te kakatonga n te ingabong.
Kam kakewei ami bure ao kam taku, “Ti itiaki. ti aki taromauria B'aara.” Ma kam na iangoa te b'ai ae kam karaoia n te M'arua are Innom. Ao kam biriaitua kaanga kaamero aika ataei, ni kawaekoaingkami n taromauria te bouananti teuana i mwiin teuana.
Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.
Kam kimoai Ngai ae Atuami ngkami aika aomata. Ikai are kam titiraki iai nako iu ni kaangai, “Ti kimoaiko n te aro raa?” Kam kimoaai n te angab'ai ao n te kabwianib'ai are bon Au b'ai.
Ma E taku nako ia: Ngkami aika kam karaoiroingkami i mataia aomata, ma E atai nanomi te Atua; b'a te b'ai ae kakannato irouia aomata ao bon te b'ai ae ribaaki i matan te Atua.
Ma ngaia ae I tuangko b'a e bati ana tangira i bukina ngkai a kab'araki ana bure aika bati; ma ane aki bati ana bure ni kab'araki, ao e aki bati ana tangira.”
Ao e taku Iotua nakoina, “Natiu, taekina te koaua i matan te UEA ae Atuaia Iteraera ao ko riai n raraoma. Tuangai b'a tera ae ko a tia ni karaoia. Tai manga kataia ni karaba nako iu.”